តើកម្ពុជានឹងអាចទទួលបានផលប្រយោជន៍ និងរងផលប្រឈមអ្វីខ្លះ ក្រោយរដ្ឋាភិបាលសម្រេចផ្អាកការធ្វើតេស្តរហ័សនេះ?
ចុះផ្សាយនៅថ្ងៃ៖
ស្តាប់ - ១២:៤៦
ប្រមុខរដ្ឋាភិបាលកម្ពុជាកាលពីថ្ងៃទី៣០ ខែកញ្ញាកន្លងទៅ បានសម្រេចផ្អាកការធ្វើតេស្តរហ័ស រឺហៅថាRapid Test ទៅលើពលរដ្ឋទាំងអស់នៅទូទាំងប្រទេស ដោយតម្រូវយកតែលទ្ធផលតេស្តចេញពីម៉ាស៊ីនតេស្តPCRប៉ុណ្ណោះ។ ការផ្អាកធ្វើតេស្តរហ័សនៅពេលនេះត្រូវបាន លោកនាយករដ្ឋមន្ត្រី ហ៊ុន សែនបញ្ជាក់ថា ដើម្បីធានានូវសុខមាលភាពរបស់ពលរដ្ឋគ្រប់រូប និងដើម្បីជំរុញឱ្យប្រជាពលរដ្ឋទាំងអស់រៀនរស់ និងពង្រឹងភាពសុំាជាមួយមេរោគកូវីដ១៩ឱ្យបានច្រើនជាងពេលមុនៗ។ ជុំវិញការសម្រេចនេះ សម្រាប់អ្នកតាមដាន និងឃ្លាំមើលដំណើរការសង្គមមួយចំនួន បានលើកឡើងថា ចំណាត់ការនេះ គឺជាវិធីសាស្ត្រល្អក្នុងការជំរុញឱ្យពលរដ្ឋរៀនរស់នៅតាមបែបគន្លងថ្មី និងចាកចេញពីភាពស្មុគស្មាញអស់រយៈពេលជាយូរ។ ប៉ុន្តែសម្រាប់ អ្នកតាមដានសង្គមមួយចំនួនឯណោះវិញ បានសម្តែងការព្រួយបារម្ភអំពីហានិភ័យដែលអាចកើតមានឡើងជាយថាហេតុណាមួយ និងបង្កជាការផ្អាកអាជីវកម្មឡើងវិញ។