ព្រឹត្តិការណ៍កម្ពុជាប្រចាំថ្ងៃ
ហេតុអ្វីលោក ហ៊ុន សែន ទើបចេញបកស្រាយករណីចាប់ខ្លួន លោក ប៉ែន សុវណ្ណ?
ចុះផ្សាយនៅថ្ងៃ៖
ស្តាប់ - ១២:០៤
លោកនាយករដ្ឋមន្ត្រី ហ៊ុន សែន ទើបតែចេញបកស្រាយពីរឿងចាប់ខ្លួនលោក ប៉ែន សុវណ្ណ អតីតនាយករដ្ឋមន្ត្រីខ្មែរ ក្រោយពីខ្មែរក្រហមដួលរលំ។ បើតាម លោក ហ៊ុន សែន ការចាប់ខ្លួនអតីតមេកើយរបស់លោកនៅពេលនោះដោយសារតែលោកប៉ែន សុវណ្ណ មានកំហុសច្រើន និងចេះតែដើរឆែកឆេរផ្ទះរបស់ លោក ហេង សំរិន និង លោក ជា ស៊ីម ដោយធ្វើឲ្យមានការមិនទុកចិត្តគ្នា។ ដោយបដិសេធលើរឿងរ៉ាវជាច្រើនដែលសរសេរដោយ ប៉ែន សុវណ្ណ តែលោក ហ៊ុន សែន ទទួលស្គាល់ថាលោកពិតជាបានចូលចាប់ខ្លួនលោក ប៉ែន សុវណ្ណ ដល់ផ្ទះ ហើយបញ្ជូនទៅកាន់ប្រទេសវៀតណាមមែន។ ត្រង់នេះបានញាំងឲ្យមានសំណួរចោទឡើងថា ហេតុអ្វី លោក ហ៊ុន សែន ទើបចេញបកស្រាយរឿងនេះ ក្រោយពេលលោក ប៉ែន សុវណ្ណ ស្លាប់ទៅហើយ?
