ព្រឹត្តិការណ៍កម្ពុជាប្រចាំថ្ងៃ
តើកសិកម្មខ្មែរអាចប្រែប្រួលជាវិជ្ជមានទេក្រោយបណ្ឌិតកសិកម្ម យ៉ង សំាងកុមារ ចូលរួមជាមួយរដ្ឋាភិបាល?
ចុះផ្សាយនៅថ្ងៃ៖
ស្តាប់ - ១២:០៧
លោកបណ្ឌិត យ៉ង សាំងកុមារ អ្នកជំនាញខាងវិស័យកសិកម្ម លោកត្រូវបានតែងតាំងជារដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងកសិកម្ម បន្ទាប់ពីសម្រេចទៅចូលរួមជាមួយគណបក្សប្រជាជន ដែលជាគណបក្សកំពុងដឹកនាំរដ្ឋាភិបាល ដើម្បីជួយទៅលើវិស័យកសិកម្ម។ លោក យ៉ង សាំងកុមារ បានលើកគម្រោងថ្មីមួយដើម្បីដោះស្រាយបញ្ហាលើបញ្ហាវិស័យកសិកម្មនេះ ដោយប្រើពេល៥ឆ្នាំ ដើម្បីជួយដល់កសិករខ្មែរ។ ចំពោះបញ្ហានេះ សម្រាប់អ្នកជំនាញ និងអ្នកតាមដានខ្លះ បានសម្ដែងការគាំទ្រ និងខ្លះទៀតថា បើគ្មានឆន្ទះនយោបាយទេ ទោះមានអ្នកជំនាញទៅចូលរួមក៏មិនអាចជួយដោះស្រាយបញ្ហាកសិកម្មបានដែរ។
