ព្រឹត្តិការណ៍កម្ពុជាប្រចាំថ្ងៃ
ចប់តួនាទីប្រធានអាស៊ាន៖ កម្ពុជារួចខ្លួនពីការប្រឈម ឬស្តាយឱកាស?
ចុះផ្សាយនៅថ្ងៃ៖
ស្តាប់ - ១១:៤៨
កម្ពុជាបានចប់តួនាទីរបស់ខ្លួនអស់រយៈពេលជិត១សប្តាហ៍ទៅហើយ ជាប្រធានអាស៊ានប្តូរវេនឆ្នាំ២០២២។ អំឡុងពេលកម្ពុជាជាប្រធានអាស៊ានមានការលើកឡើងថាប្រទេសនេះ ប្រៀបបាននឹងទទួលនូវដុំថ្មដ៏ធំ ដោយសារព្រឹត្តិការណ៍ពិភពលោក និងតំបន់ ដូចជាសង្គ្រាមអ៊ុយក្រែន ការឡើងកំដៅរវាងចិន-តៃវ៉ាន់ វិបត្តសេដ្ឋកិច្ច អតិផរណាជាដើម បានកើតឡើងបន្ថែមពីលើប្រធានរឿងធំៗដែលមានស្រាប់ដូចជាជម្លោះនៅសមុទ្រចិនខាងត្បូង បញ្ហាភូមាជាដើម។ បញ្ហាធំៗទាំងអស់នេះ ត្រូវគេមើលឃើញថាធ្វើឲ្យកម្ពុជាឈឺក្បាលខ្លាំង តែក៏ចំណេញខ្លាំងណាស់ដែរ។
