ព្រឹត្តិការណ៍កម្ពុជាប្រចាំថ្ងៃ
តើសន្លឹកឆ្នោតមិនបានការច្រើនអាចជះឥទ្ធិពលដល់ការបោះឆ្នោតនៅកម្ពុជាទេ?
ចុះផ្សាយនៅថ្ងៃ៖
ស្តាប់ - ១២:៣៣
ជាការកត់សម្គាល់ ចាប់តាំងពីគណបក្សភ្លើងទៀន ដែលជាគណបក្សប្រឆាំងធំមួយនៅក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ក្នុងប្រទេសកម្ពុជា ត្រូវបានផាត់ចោលក្រោមហេតុផលខ្វះឯកសារ ភាពចម្រូងចម្រាសរវាងការជំរុញឲ្យទៅបោះឆ្នោត និងការរារាំងទៅបោះឆ្នោត ឬជំរុញទៅបោះឆ្នោតដែរដោយគូសសន្លឹកឆ្នោតចោលបានកើតមានឡើងជាហូរហែរ។ ការប្រទាញប្រទង់គ្នារវាងសញ្ញាខ្វែង(X) និងសញ្ញាគ្រីស(√) បានបន្តកាន់តែខ្លាំងឡើងៗ តាមរយៈការផ្សព្វផ្សាយរបស់សកម្មជនប្រឆាំងនៅក្រៅប្រទេសលើបណ្តាញសង្គម ខណៈគណៈកម្មាធិការជាតិរៀបចំការបោះឆ្នោត(គ.ជ.ប) ចេញការព្រមានដាក់ទោស និងពិន័យដល់អ្នកញុះញង់។
