ព្រឹត្តិការណ៍កម្ពុជាប្រចាំថ្ងៃ
តើគួរបន្តឲ្យមានអង្គរក្សជិះម៉ូតូការពាររថយន្តមេ(ចៅហ្វាយ) តាមដងផ្លូវទៀតទេ?
ចុះផ្សាយនៅថ្ងៃ៖
ស្តាប់ - ១៣:២០
សាធារណជនបាននិងកំពុងរិះគន់ចំពោះករណីអង្គរក្សការពារអ្នកមានម្នាក់ ដែលបានជិះម៉ូតូចំនួន២គ្រឿងមានគ្នា៤នាក់ បង្កភាពចម្រូងចម្រាសជាមួយអ្នកដំណើរផ្សេងទៀតដោយសារមានការចោទប្រកាន់ថាក្រុមកងការពារទាំងនេះបានធាក់ម៉ូតូគេឲ្យដួល ខណៈពួកគេកំពុងជិះអមរថយន្តចៅហ្វាយនាយពួកគេមួយគ្រឿងម៉ាក Roll Royce កាលពីពេលថ្មីៗនេះ។ ក្រោយមានការរិះគន់ សមត្ថកិច្ចក៏បានកោះហៅក្រុមបង្កដែលជាអង្គរក្សអ្នកមានទៅសួរនាំ និងក្រោយមកឲ្យផ្តិតមេដៃសុំទោសជាសាធារណៈ។ ជុំវិញបញ្ហានេះ អ្នកតាមដានសង្គមនានាបានលើកមកជជែកគ្នា ថាគួរអនុញ្ញាតឲ្យមានអង្គរក្សការពារអ្នកមាន ឬអ្នកធំជាលក្ខណៈឯកជនបន្តទៀតឬយ៉ាងណា ខណៈដែលផ្លូវថ្នល់នៅស្រុកខ្មែរកាន់តែមានភាពចង្អៀត និងមានការកកស្ទះគួរឲ្យព្រួយបារម្ភ។
