តើរដ្ឋាភិបាលថ្មីរបស់កម្ពុជាបានឆ្លើយតបនឹងតម្រូវការជាក់ស្តែងរបស់ពលរដ្ឋយ៉ាងណាខ្លះ?
ចុះផ្សាយនៅថ្ងៃ៖
ស្តាប់ - ១៤:០០
គោលនយោបាយបន្ទាន់ដែលត្រូវបានដាក់ឱ្យអនុវត្តភ្លាមៗនៅឆ្នាំ២០២៣នេះ មានផ្តោតសំខាន់ទៅលើការពង្រីកសេវាថែទាំសុខភាព ការបណ្តុះបណ្តាលជំនាញវិជ្ជាជីវៈ ការជម្រុញកម្មវិធីជាតិជំនួយសង្គមអំឡុងជួបវិបត្តិ និងលើកស្ទួយការនាំចេញផលិតកម្មកសិកម្មជាដើម។ល។ អ្នកឃ្លាំមើលខ្លះយល់ថា គោលនយោបាយបន្ទាន់របស់កម្ពុជានេះ បើធៀបជាមួយគោលនយោបាយថ្មីរបស់ថៃដែលបង្កើតឡើងដំណាលគ្នាដែរ ហាក់មិនបានចាក់ចំបញ្ហារបស់ប្រជាពលរដ្ឋបច្ចុប្បន្នដែលកំពុងជួបវិបត្តិសេដ្ឋកិច្ចគ្រួសារបង្កដោយទំនិញឡើងថ្លៃ និងគ្មានប្រាក់បង់ធនាគារជាដើមនោះទេ។ គួរជម្រាបជូនថា រដ្ឋាភិបាលកម្ពុជាបានដាក់ចេញ «យុទ្ធសាស្ត្របញ្ចកោណ» ជាកម្មវិធីនយោបាយរបស់ខ្លួន សម្រាប់ការកសាង និងការពារមាតុភូមិឆ្នាំ ២០២៣-២០២៨។ តើរដ្ឋាភិបាលថ្មីរបស់កម្ពុជាបានឆ្លើយតបនឹងតម្រូវការជាក់ស្តែងរបស់ពលរដ្ឋយ៉ាងណាខ្លះ តាមរយៈគោលនយោបាយថ្មីដែលដាក់ចេញ?
