ព្រឹត្តិការណ៍កម្ពុជាប្រចាំថ្ងៃ
តើការដំឡើងថ្លៃសេវាធ្វើដំណើរតាមយន្តហោះអាចជាផ្នែកមួយប៉ះពាល់ដល់វិស័យទេសចរណ៍?
ចុះផ្សាយនៅថ្ងៃ៖
ស្តាប់ - ០៩:០៥
រដ្ឋាភិបាលបានយល់ព្រមតាមសំណើក្រុមហ៊ុនសម្បទានព្រលានយន្តហោះហៅកាត់ថា SCA ក្នុងការដំឡើងថ្លៃសេវាកម្មអ្នកដំណើរ និងសេវាកម្មអាកាសចរណ៍ពាក់ព័ន្ធផ្សេងៗទៀត។ ក្នុងនោះសេវាកម្មអ្នកដំណើរសម្រាប់ជនជាតិខ្មែរគឺឡើងដល់២៣ដុល្លារ ខណៈពីមុនតែ១៨ដុល្លារ។ ចំណែកជនជាតិបរទេសវិញ គឺឡើងដល់៣០ដុល្លារ ខណៈពីមុនតម្លៃតែ២៥ដុល្លារប៉ុណ្ណោះ។ ការដំឡើងថ្លៃសេវាកម្មអ្នកដំណើរនេះ ជាក្ដីព្រួយបារម្ភមួយធ្វើឲ្យប៉ះពាល់ដល់វិស័យទេសចរណ៍នៅកម្ពុជា ខណៈបច្ចុប្បន្នវិស័យនេះបាននិងកំពុងជួបនូវបញ្ហាប្រឈមនៅឡើយ។