ព្រឹត្តិការណ៍កម្ពុជាប្រចាំថ្ងៃ
អ្នកវិភាគ៖ រដ្ឋាភិបាលថ្មីគួរចាយថវិកាជាតិឆ្នាំ២០២៤ ឱ្យមានតម្លាភាព និងចំទិសដៅ
ចុះផ្សាយនៅថ្ងៃ៖
ស្តាប់ - ១៦:០៧
រដ្ឋាភិបាលត្រៀមចំណាយថវិកាសម្រាប់ចាយវាយក្នុងឆ្នាំ២០២៤ចំនួន៣៨ ពាន់ពាន់លានរៀល ឬប្រមាណ៩.៤ពាន់លានដុល្លារ។ ក្នុងនោះ រដ្ឋាភិបាលបានកំណត់ថវិកាចាយនៅថ្នាក់ជាតិឆ្នាំ២០២៤មានទំហំ៣៤០០០ពាន់លានរៀល ថយចុះ៥,៨% បើធៀបច្បាប់ហិរញ្ញវត្ថុឆ្នាំ២០២៣ ខណៈការចំណាយនៅថ្នាក់ក្រោមជាតិ គឺមានចំនួន ៤០០០ពាន់លានរៀល កើនឡើង៦,៦%។ បើតាមសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤ រដ្ឋាភិបាលក៏បានកំណត់វិស័យអទិភាព៤ក្នុងការចំណាយដូចជា វិស័យអប់រំ វិស័យសុខាភិបាល វិស័យការងារ និងវិស័យសង្គមកិច្ច។
