ហេតុអ្វីការប្ដូរទីលំនៅពលរដ្ឋពីតំបន់អង្គរទៅតំបន់រុនតាឯកក្លាយជាប្រធានបទចម្រូងចម្រាស?
ចុះផ្សាយនៅថ្ងៃ៖
ស្តាប់ - ១៣:៤៨
នៅថ្ងៃទី០៨ ខែធ្នូ ឆ្នាំ២០២៣ លោកនាយករដ្ឋមន្រ្តី ហ៊ុន ម៉ាណែតបានចុះសួរសុខទុក្ខ និងជួបសំណេះសំណាលជាមួយប្រជាពលរដ្ឋដែលស្ម័គ្រចិត្តចេញពីតំបន់អង្គរទៅរស់នៅតំបន់រុនតាឯកដែលរៀបចំដោយរដ្ឋាភិបាល។ ការចុះជួបសួរសុខទុក្ខរបស់លោកហ៊ុន ម៉ាណែតនេះ គឺជាលើកទី១ក្នុងតំណែងលោកជានាយករដ្ឋមន្រ្តី។ សូមរម្លឹកថា អតីតនាយករដ្ឋមន្រ្តីលោកហ៊ុន សែន ដែលជាឪពុករបស់លោកហ៊ុន ម៉ាណែតក៏ធា្លប់បានចុះសួរសុខទុក្ខ និងជួបសំណេះសំណាលជាមួយប្រជាពលរដ្ឋដូចគ្នានេះដែរ។ គួរបញ្ជាក់ថា ការប្តូរទីលំនៅពលរដ្ឋពីតំបន់អង្គរទៅតំបន់រុនតាឯកត្រូវបានអង្គការ Amnesty International បង្ហាញនៅក្នុងរបាយការណ៍សិក្សាស្រាវជ្រាវមួយនាពេលថ្មីៗនេះថា ជាការរំលោភបំពានធ្ងន់ធ្ងរលើច្បាប់ និងស្តង់ដារសិទ្ធិមនុស្សអន្តរជាតិ ស្ថិតក្រោមរូបភាពគំរាមកំហែងផ្សេងៗ។ តែរដ្ឋាភិបាលកម្ពុជាបានឆ្លើយបកវិញថា ការប្ដូរទីលំនៅពលរដ្ឋពីតំបន់អង្គរបានធ្វើឡើងដោយស្ម័គចិត្រ និងមានគោលដៅការពារតំបន់បេតិកភណ្ឌពិភពលោករបស់អង្គការយូណេស្កូ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ