ព្រឹត្តិការណ៍កម្ពុជាប្រចាំថ្ងៃ
តើក្តីក្តាំលោក កឹម សុខានឹងចេញតាមច្រកណា ខណៈដែលលោកកំពុងខ្វះមេធាវីការពារក្តីនៅឧទ្ធរណ៍?
ចុះផ្សាយនៅថ្ងៃ៖
ស្តាប់ - ១០:១៣
សំណុំរឿងលោក កឹម សុខា ប្រធានអតីតគណបក្សសង្រ្គោះជាតិនឹងត្រូវបើកការជំនុំជម្រះនៅសាលាឧទ្ធរណ៍ នៅថ្ងៃទី៣០មករាឆ្នាំ២០២៤។ នៅចំពោះមុខសវនាការដែលជិតមកដល់នេះ លោក កឹម សុខា កំពុងប្រឈមនឹងបញ្ហាខ្វះមេធាវីការពារក្តីដោយសារតែបម្រាមនៃសាលក្រមសាលាដំបូងរាជធានីភ្នំពេញ មិនឲ្យលោក កឹម សុខា ជួបអ្នកណា ក្រៅតែពីក្រុមគ្រួសារ។ មេធាវីមួយរូបរបស់លោក កឹម សុខា គឺលោក អាង ឧត្តម បានបញ្ជាក់ថា លោកមិនដឹងត្រូវធ្វើយ៉ាងដូចម្តេចឡើយ ខណៈដែលលោកទើបតែជួបកូនក្តីបានតែ១ដង។ ជំនួប ១ដងនេះធ្វើឡើង ក្រោយពេលដែលសាលាដំបូង កាលពីថ្ងៃទី៣មីនាឆ្នាំ២០២៣ បានសម្រេចកាត់ទោសលោក កឹម សុខា ឲ្យជាប់ឃុំក្នុងផ្ទះ២៧ឆ្នាំ ដោយដកសិទ្ធិនយោបាយ និងមិនឲ្យប្រាស្រ័យជាមួយអ្នកណា ក្រៅពីសាច់ញាតិ។
