បណ្ឌិត គិន ភា៖ ការគាំទ្ររបស់ហុងគ្រីដល់កម្ពុជាក្នុងសំណុំរឿងEBA គឺជាការផ្តល់យុត្តិធម៌ដល់កម្ពុជា
ចុះផ្សាយនៅថ្ងៃ៖
ស្តាប់ - ០៩:៣៥
រដ្ឋមន្ត្រីការបរទេស និងពាណិជ្ជកម្មហុងគ្រី លោក ភីធើ ស៊ីចាតូ នៅថ្ងៃទី៣ខែវិច្ឆិកានេះ កំពុងបំពេញទស្សនកិច្ចនៅប្រទេសកម្ពុជា និងចូលរួមជាអធិបតីក្នុងការចុះហត្ថលេខា លើកិច្ចព្រមព្រៀងចំនួន៣គឺ អនុស្សរណៈស្តីពីសេវាដឹកជញ្ជូនតាមផ្លូវអាកាសចរណ៍ ការគ្រប់គ្រងធនធានទឹក និងអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យកសិកម្ម នៃប្រទេសទាំងពីរ។ ដំណើរទស្សនកិច្ចរបស់ប្រមុខការទូតប្រទេសអឺរ៉ុបខាងកើតនៅកម្ពុជាពេលនេះ ត្រូវលោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជាមើលឃើញថា ជាការវិវត្តន៍ទំនាក់ទំនងការទូតដ៏វិជ្ជមានថ្មីមួយទៀតរបស់ប្រទេសទាំងពីរនៅក្នុងដំណាក់កាលដ៏លំបាក និងជាការផ្តល់យុត្តិធម៌ដល់កម្ពុជាផងដែរនៅក្នុងសំណុំរឿង EBA។
