លោកឃុន ថារ៉ូ៖ អាជ្ញាធរខ្មែរត្រូវតែការពារសិទ្ធិពលករធ្វើការនៅស្រុកថៃ ក្នុងពេលដែលកូវីដ១៩កំពុងរាតត្បាត
ចុះផ្សាយនៅថ្ងៃ៖
ស្តាប់ - ១១:៥៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ នៅថ្ងៃនេះ គឺលោកឃុន ថារ៉ូ អ្នកគ្រប់គ្រងកម្មវិធីការងារនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្សរបស់អង្គការសង់ត្រាល់។ នៅចំពោះមុខការចាត់វិធានតឹងរ៉ឹងចំពោះការធ្វើចត្តាឡីស័កនៅខេត្តជាប់ព្រំដែនថៃ លោក ឃុន ថារ៉ូ យល់ថា វាជារឿងល្អ ខណៈស្ថានភាពជំងឺកូវីដ១៩នៅប្រទេសថៃមិនទាន់ធូរស្រាល។ យ៉ាងណាក៏ដោយ សម្រាប់ពលករខ្មែរធ្វើការនៅប្រទេសថៃ លោក ឃុន ថារ៉ូ បានអំពាវនាវឲ្យអាជ្ញាធរខ្មែរ គិតគូរការពារសិទ្ធិពួកគេជាចាំបាច់ ជាពិសេសពលករដែលទៅធ្វើការមិនស្របច្បាប់។ លោកថា អាជ្ញាធរគួរតែមានការចរចារជាមួយអាជ្ញាធរថៃ ដើម្បីការពារសិទ្ធិពលករខ្មែរ ដែលមិនស្របច្បាប់ទាំងនោះ។ ហើយស្ថានទូតកម្ពុជាប្រចាំនៅថៃ ត្រូវតែធ្វើបច្ចុប្បន្នភាព ពីស្ថានភាពជំងឺកូវីដ១៩ឱ្យពលករខ្មែរដឹងជាប្រចាំ។
