លោក គង់ សោភ័ណ្ឌ៖ កូវីដ១៩ បានផ្ទុះតែនៅក្នុងសណ្ឋាគារនិងកាស៊ីណូចំនួន៦ តាមព្រំដែនប៉ុណ្ណោះ
ចុះផ្សាយនៅថ្ងៃ៖
ស្តាប់ - ០៨:៥៥
ប្រទេសកម្ពុជានៅថ្ងៃទី១៦ខែមីនានេះ បានរកឃើញអ្នកវិជ្ជមានកូវីដ១៩ ច្រើនបំផុត រហូតដល់១០៥នាក់ ចាប់តាំងពីប្រទេសនេះ រងការឆ្លងរាតត្បាតពីជំងឺផ្លូវដង្ហើមជាង១ឆ្នាំកន្លងទៅ។ ក្នុងចំណោមអ្នកជំងឺកូវីដថ្មីទាំង១០៥នាក់នេះ ជាងពាក់កណ្តាលបានរកឃើញនៅក្នុងឃុំជ្រៃធំ ស្រុកកោះធំនៃខេត្តកណ្តាល។ លោក គង់ សោភ័ណ្ឌ អភិបាលខេត្តកណ្តាលថ្លែងថា អ្នកវិជ្ជមានទាំង៦៤នាក់នៅស្រុកកោះធំនេះ បានកើតឡើងនៅក្នុងតំបន់កម្សាន្តសណ្ឋាគារ និងកាស៊ីណូចំនួន៦ នៅតាមព្រំដែន។ លោកថា សមត្ថកិច្ចខេត្តកណ្តាលអាចគ្រប់គ្រងស្ថានការណ៍នេះបាន ដោយបិទផ្ទប់តំបន់នោះតាមលក្ខណៈបច្ចេកទេសត្រឹមត្រូវ មិនឲ្យរាលដាលដល់អ្នកភូមិនោះទេ។