លោក នេត្រ ភក្ត្រា៖ ស៊ុយអែត នៅតែជាប្រទេសផ្តល់ជំនួយដ៏សំខាន់សម្រាប់សាលាក្តីខ្មែរក្រហម
ចុះផ្សាយនៅថ្ងៃ៖
ស្តាប់ - ១២:១៤
នៅក្នុងជំនួបលាគ្នាជាមួយលោក ប្រាក់ សុខុន រដ្ឋមន្ត្រីការបរទេសកម្ពុជា កាលពីថ្ងៃទី០៥ ខែកក្កដា ម្សិលមិញ ឯកអគ្គរាជទូតស៊ុយអែតប្រចាំនៅកម្ពុជា បានបញ្ជាក់ថាស៊ុយអែត នឹងបន្តជួយដល់សាលាក្តីខ្មែរក្រហម រហូតដល់សាលាក្តីនេះ បានបញ្ចប់ភារកិច្ចសព្វគ្រប់ បើទោះណាជាស៊ុយអែតសម្រេចដកទូតពីកម្ពុជានៅចុងឆ្នាំនេះក៏ដោយ។ ជាមួយគ្នានេះ លោក នេត្រ ភក្ត្រា ប្រធានផ្នែកកិច្ចការសាធារណៈ និងជាអ្នកនាំពាក្យសាលាក្តីខ្មែរក្រហម បានឲ្យដឹងដែរថា ស៊ុយអែតជាប្រទេស ដែលមានការគាំទ្រ និងផ្តល់ជំនួយធំទី៧ ដល់សាលាក្តីខ្មែរក្រហម ដែលមានសរុបជាង ១៤លានដុល្លារ។ លោកថា ជំនួយថវិការបស់ស៊ុយអែត នៅតែសំខាន់សម្រាប់ដំណើរការរបស់សាលាក្តីខ្មែរក្រហម និងជាផ្នែកមួយជួយស្វែងរកការពិត និងយុត្តិធម៌ដល់ប្រជាជនកម្ពុជាផងដែរ។
