បទសម្ភាស
លោកលឹង សុផុន៖ពលករខ្មែរជាច្រើនចង់វិលចូលស្រុកវិញព្រោះនៅថៃមិនមានការព្យាបាលអ្នកជំងឺកូវីដដិតដល់ឡើយ
ចុះផ្សាយនៅថ្ងៃ៖
ស្តាប់ - ១០:៥២
ភ្ញៀវប្រចាំថ្ងៃរបស់យើងនៅរាត្រីនេះ គឺលោកលឹង សុផុន ដែលជាមន្ត្រីគម្រោងនៃអង្គការសង់ត្រាល់ប្រចាំនៅប្រទេសថៃ។ នៅប្រទេសថៃ ពលករខ្មែរប្រមាណជាជិត៩ពាន់នាក់ហើយ បានឆ្លងជំងឺកូវីដ១៩ គិតមកដល់ពេលនេះ។ លោកលឹង សុផុន បានលើកឡើងថា អ្នកជំងឺកូវីដ១៩ជាជនជាតិខ្មែរខ្លះមិនទទួលបានការព្យាបាល និងថែទាំបានដិតដល់ពីសំណាក់ក្រុមគ្រូពេទ្យថៃឡើយ ហើយខ្លះទៀតកំពុងខ្វះស្បៀងអាហារ និងថវិកាវាយចាយ។ អាស្រ័យហេតុនេះហើយ លោកថា មានពលករខ្មែរច្រើននាក់ប្រាថ្នាវិលចូលប្រទេសកម្ពុជាវិញ ដើម្បីគេចចេញពីការឆ្លងជំងឺកូវីដ១៩ និងហានិភ័យខ្វះការព្យាបាលត្រឹមត្រូវនៅពេលឆ្លងជំងឺកូវីដ១៩។