លោក ចាន់ យុត្ថា៖ «យើងអាចគ្រប់គ្រងជំនន់ស្ទឹងព្រែកត្នោតបាន ប្រសិនបើភ្លៀងមិនខ្លាំង ហើយធារទឹកមិនច្រើនដូចឆ្នាំមុន»
ចុះផ្សាយនៅថ្ងៃ៖
ស្តាប់ - ១០:៤៧
ភ្លៀងដែលបានចាប់ផ្តើមធ្លាក់នៅទូទាំងប្រទេស អស់រយៈពេលមួយសប្តាហ៍កន្លងទៅនេះ ធ្វើឲ្យតំបន់មួយចំនួនរងនូវការលិចលង់ដោយជំនន់ទឹកភ្លៀង។ ដោយឡែក ភាគខាងត្បូងនៃរាជធានីភ្នំពេញ ដែលកាលពីឆ្នាំទៅធ្លាប់រងការវាយប្រហារយ៉ាងធ្ងន់ធ្ងរដោយជំនន់ស្ទឹងព្រែកត្នោត នៅឆ្នាំនេះក៏ត្រូវបានដាក់ឲ្យមានការប្រុងប្រយ័ត្នដែរ ខណៈគម្រោងការពារជំនន់ស្ទឹងព្រែកត្នោត នៅមិនទាន់អាចសាងសង់បាននៅឡើយ។ លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម ថ្លែងថា គម្រោងនេះមានការយឺតយ៉ាវបន្តិច ដោយសារវាជាការសម្រេចកញ្ចប់ថវិកាពីភាគីចិន។ ទោះយ៉ាងណា អ្នកនាំពាក្យរូបនេះបញ្ជាក់ថាក្រសួងធនធានទឹក បានត្រៀមលក្ខណៈរួចរាល់ហើយ តាមរយៈការដាក់គ្រឿងចក្រ និងដាក់មន្ត្រីជំនាញប្រចាំការនៅតំបន់ប្រឈមនោះ។
