បទសម្ភាស
លោកឌី ថេហូយ៉ា៖ពលករខ្មែរនៅថៃនៅតែជួបការលំបាកខ្លាំង និងទទួលការព្យាបាលកូវីដ១៩មិនស្មើភាពគ្នា
ចុះផ្សាយនៅថ្ងៃ៖
ស្តាប់ - ១១:៥២
នៅថ្ងៃព្រហស្បតិ៍នេះ មជ្ឈមណ្ឌលសម្ព័ន្ធភាពការងារ និងសិទ្ធិមនុស្សហៅកាត់់ថា សង់ត្រាល់ បានចេញផ្សាយនូវរបាយការណ៍មួយដែលមានចំណងជើងថា បញ្ហាប្រឈមរបស់ពលករកម្ពុជាក្នុងអំឡុងពេលនៃការផ្ទុះមេរោគកូវីដ-១៩។ របាយការណ៍នេះបានរកឃើញនូវបញ្ហាប្រឈមជាច្រើនដែលពលករខ្មែរនៅក្នុងប្រទេសថៃកំពុងជួបប្រទះ។ លោកឌី ថេហូយ៉ា ប្រធានផ្នែកកម្មវិធីប្រឆាំងអំពើជួញដូរមនុស្ស និងការពារសិទ្ធិពលករចំណាកស្រុកនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្សបានអះអាងថា ក្នុងចំណោមបញ្ហាប្រឈមទាំងអស់នេះ ក៏មានដែរការទទួលបានការយកចិត្តទុកដាក់ថែទាំ និងព្យាបាលជំងឺកូវីដ១៩មិនស្មើភាពគ្នាចំពោះពលករខ្មែរនៅថៃ។