បទសម្ភាស
លោក ប៉ិច ពិសី៖ «ខ្ញុំសង្ឃឹមថាអភិបាលខេត្តកំពតថ្មី នឹងមានយុទ្ធសាស្ត្រដោះស្រាយវិវាទដូចនៅខេត្តពោធិ៍សាត់ដែរ»
ចុះផ្សាយនៅថ្ងៃ៖
ស្តាប់ - ១១:៤៥
សាលាខេត្តកំពតនៅរសៀលថ្ងៃពុធនេះ បានធ្វើពិធីប្រកាសតែងតាំងជាផ្លូវការ លោក ម៉ៅ ធនិន អតីតអភិបាលខេត្តពោធិ៍សាត់ ទៅជាអភិបាលខេត្តកំពតថ្មី ក្រោមអធិបតីភាពលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ។ ការផ្លាស់ប្តូរអភិបាលខេត្តពីកំពតទៅពោធិ៍សាត់ ពីពោធិ៍សាត់ទៅកំពត ត្រូវបានប្រជាពលរដ្ឋនៃខេត្តទាំងពីរសាទរផង និងសោកស្តាយផង។ លោក ប៉ិច ពិសី នាយកប្រតិបត្តិអង្គការតម្លាភាពកម្ពុជាមើលឃើញថា អតីតអភិបាលខេត្តពោធិ៍សាត់ លោក ម៉ៅ ធនិន ដែលពេលនេះក្លាយជាអភិបាលខេត្តកំពត គឺជាបុគ្គលគំរូមួយរូប ដែលអភិបាលខេត្តផ្សេងទៀតត្រូវយកតម្រាប់តាម។
