លោកចាន់ យុត្ថា៖កម្ពស់ទឹកនៅស្ទឹងព្រែកត្នោតកំពុងស្ថិតក្នុងកម្រិតប្រកាសអាសន្ន តែពុំទាន់ខ្លាំងដូចឆ្នាំមុនទេ
ចុះផ្សាយនៅថ្ងៃ៖
ស្តាប់ - ១១:០៧
ភ្ញៀវប្រចាំថ្ងៃរបស់យើងនៅរាត្រីនេះ គឺលោកចាន់ យុត្ថា ដែលជាអ្នកនាំពាក្យក្រសួងធនធានទឹក និងឧត្តុនិយម។ នៅព្រឹកថ្ងៃចន្ទនេះ អាជ្ញាធររាជធានីភ្នំពេញ បានចុះទៅត្រួតពិនិត្យ និងចាត់វិធានការនានា ដើម្បីទប់ទឹកជំនន់នៅស្ទឹងព្រែកត្នោត ក្នុងខណ្ឌដង្កោ កុំឱ្យជន់លិចលំដៅដ្ឋានរបស់ប្រជាពលរដ្ឋ។ ជាមួយគ្នានេះ អាជ្ញាធរក៏បានអំពាវនាវឱ្យប្រជាពលរដ្ឋនៅតាមបណ្តោយដងស្ទឹងព្រែកត្នោតមានការប្រុងប្រយ័ត្នខ្ពស់នៅថ្ងៃទី២៦ និងថ្ងៃទី២៧ ខែតុលា ដោយសារទឹកអាចនឹងឡើងខ្ពស់បន្ថែមទៀត។ ប៉ុន្តែ គិតត្រឹមថ្ងៃនេះ លោកចាន់ យុត្ថា បានអះអាងថា កម្ពស់ទឹកនៅស្ទឹងព្រែកត្នោតនេះកំពុងឈានដល់កម្រិតប្រកាសអាសន្នហើយ តែមិនទាន់ដល់ខ្លាំងដូចកាលពីឆ្នាំទៅឡើយ។