លោកស្រី អ៊ូ ទេពផល្លីន៖ បុគ្គលិកត្រូវពឹងផ្អែកទៅលើប្រាក់ធីបរបស់ភ្ញៀវ អត់មានប្រាក់ខែគោលទេ
ចុះផ្សាយនៅថ្ងៃ៖
ស្តាប់ - ១២:១៦
ក្រោយពីប្រកាសផ្អាកជាបណ្តោះអាសន្នមិនបានប៉ុន្មានម៉ោងផង ចំពោះសកម្មភាព មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលជំងឺកូវីដ-១៩ ដូចជាខារ៉ាអូខេ រង្គសាល ឌីស្កូតែកជាដើម សម្រាប់រយៈពេល៧ថ្ងៃ សាលារាជធានីភ្នំពេញបានប្រកាសអនុញ្ញាតអាជីវកម្មទាំងអស់ខាងលើបើកដំណើរការវិញចាប់ពីថ្ងៃទី៣០ ខែវិច្ឆិកានេះទៅ។ ដំណើរការអាជីវកម្មដែលមានហានិភ័យខ្ពស់ឡើងវិញនេះ ត្រូវបានភ្ជាប់លក្ខខណ្ឌគោរពតាមវិធានសុខាភិបាល និងស្តង់ដារ SOP របស់ក្រសួងទេសចរណ៍។ លោកស្រី អ៊ូ ទេពផល្លីន ប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជា ថ្លែងឲ្យដឹងថាការបើកដំណើរការអាជីវកម្មខារ៉ាអូខេ រង្គសាល ឌីស្កូតែក ឡើងវិញពេលនេះ មិនគ្រប់គ្រាន់ទេ ដោយលោកស្រីទាមទារឲ្យរដ្ឋធានានូវប្រព័ន្ធគាំពារសង្គមដល់កម្មករ និងយោជិតនៃវិស័យនេះបន្ថែមទៀត។
