បណ្ឌិត គី សេរីវឌ្ឍន៍៖ ការបើកច្រកព្រំដែនកម្ពុជា-ថៃ ឡើងវិញនឹងមានប្រយោជន៍សេដ្ឋកិច្ចទាំងសងខាង
ចុះផ្សាយនៅថ្ងៃ៖
ស្តាប់ - ០៩:៣២
អាជ្ញាធរខេត្តបន្ទាយមានជ័យ និងខេត្តបាត់ដំបងនៃប្រទេសកម្ពុជា និងអាជ្ញាធរខេត្តស្រះកែវនៃប្រទេសថៃ ដែលមានព្រំដែនជាប់គ្នា កាលពីសប្តាហ៍មុនបានបើកកិច្ចពិភាក្សាគ្នាមួយស្តីពីលទ្ធភាពនៃការបើកដំណើរការច្រកទ្វារព្រំដែនសំខាន់ៗមួយចំនួនឡើងវិញ។ ការពិភាក្សាគ្នានេះធ្វើឡើង ក្រោយប្រទេសទាំងពីរបានបិទច្រកអស់ជាច្រើនខែ ដើម្បីទប់ស្កាត់ការឆ្លងជំងឺកូវីដ-១៩។ លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិតសភាកម្ពុជាមើលឃើញថា វានឹងផ្តល់សារៈសំខាន់ដល់ប្រទេសទាំងពីរ ពោលគឺកម្ពុជាអាចបញ្ចេញកសិផលរបស់ខ្លួនមួយចំនួនចូលទៅថៃ និងអាចបញ្ជូនពលករទៅថៃដោយស្របច្បាប់។ ជាមួយគ្នានេះ ថៃក៏មានប្រយោជន៍ដែរ គឺការបង្ហូរទំនិញថៃជាច្រើនមុខចូលមកកម្ពុជា ខណៈទំហំពាណិជ្ជកម្មកម្ពុជា-ថៃ ធំជាងគេនៅក្នុងប្រទេសអាស៊ាន។
