វេជ្ជ.ងួន ច័ន្ទភក្ត្រា៖ មន្ទីរពេទ្យកុមារអង្គរកំពុងប្រឈមបញ្ហាហិរញ្ញវត្ថុ ខណៈជំនួយដ៏ចំបងពីក្រៅប្រទេសធ្លាក់ចុះយ៉ាងខ្លាំង
ចុះផ្សាយនៅថ្ងៃ៖
ស្តាប់ - ១២:៥៦
មន្ទីរពេទ្យកុមារអង្គរនៅក្នុងខេត្តសៀមរាប ដែលបានបើកដំណើរការពិនិត្យ ព្យាបាលជំងឺកុមារដោយមិនមានការបង់ប្រាក់អស់រយៈពេលជាង២០ឆ្នាំកន្លងទៅនេះ នឹងចាប់ផ្តើមឲ្យមានការបង់ភាគទានសម្រាប់អ្នកដែលមានលទ្ធភាព ដោយត្រូវបង់ ២ម៉ឺនរៀល ឬ៥ដុល្លារ សម្រាប់ការពិគ្រោះជំងឺក្រៅមួយលើក និងត្រូវបង់ភាគទាន២ម៉ឺន ឬ៥ដុល្លារដូចគ្នាដែរសម្រាប់ការសម្រាកពេទ្យ១យប់។ លោកវេជ្ជបណ្ឌិត ងួន ច័ន្ទភក្ត្រា ប្រធានមន្ទីរពេទ្យកុមារអង្គរ បានថ្លែងថាការដែលមន្ទីរពេទ្យស្នើឲ្យមានការបង់ភាគទានពេលនេះ គឺដើម្បីរួមចំណែកមួយផ្នែកតូចជួយទ្រទ្រង់ដល់និរន្តរភាពមន្ទីរពេទ្យ ខណៈដែលមន្ទីរពេទ្យសប្បរសធម៌មួយនេះកំពុងជួបប្រទះនឹងវិបត្តិហិរញ្ញវត្ថុ។ ក៏ប៉ុន្តែលោកប្រធានមន្ទីរពេទ្យបញ្ជាក់ថាការពិនិត្យព្យាបាលនៅតែបន្តធ្វើឡើងប្រកបដោយគុណភាពដដែលទោះជាអ្នកជំងឺមានឬគ្មានលទ្ធភាពក៏ដោយ។
