មេធាវី ជូង ជូងី៖ ការប្តឹងលោក សុន ឆ័យ នឹងធ្វើឲ្យប៉ះពាល់ដល់ការបោះឆ្នោតសកលឆ្នាំ២០២៣
ចុះផ្សាយនៅថ្ងៃ៖
ស្តាប់ - ០៩:៥៤
តំណាងអយ្យការសាលាដំបូងរាជធានីភ្នំពេញ កាលពីថ្ងៃទី០៩ ខែសីហានេះ បានសម្រេចចោទប្រកាន់លោក សុន ឆ័យ អនុប្រធានគណបក្សភ្លើងទៀនពីបទ«បរិហាកេរ្តិ៍ជាសាធារណៈ» បន្ទាប់ពីលោក សុន ឆ័យថ្លែងរិះគន់ស្ថាប័នគណៈកម្មាធិការជាតិរៀបចំការបោះឆ្នោត(គ.ជ.ប) តាមរយៈកម្មវិធី Idea Talk របស់The Cambodia Daily កាលពីខែកក្កដាកន្លងទៅ។ លោក ជូង ជូងី មេធាវីការពារសិទ្ធិលោក សុន ឆ័យ បានប្រាប់វិទ្យុបារាំង RFI ថា សំណុំរឿង លោក សុន ឆ័យ ពាក់ព័ន្ធនឹងបញ្ហានយោបាយច្រើនជាងផ្លូវតុលាការ។ ក្រៅពីលើកទឹកចិត្តឲ្យអ្នកនយោបាយនិយាយពីការពិតបន្តទៀត លោក ជូង ជូងី បញ្ជាក់ថាបណ្តឹងលើលោក សុន ឆ័យ នឹងធ្វើឲ្យប៉ះពាល់ដល់ការបោះឆ្នោតជ្រើសតាំងតំណាងរាស្ត្រឆ្នាំ២០២៣ ដោយសារលោក សុន ឆ័យ រវល់តែរឿងបណ្តឹងមិនអាចធ្វើសកម្មភាពនយោបាយអ្វីបានឡើយ។
