ឧកញ៉ា ហៃ លីអ៊ាង៖ អាស៊ានបានឲ្យតម្លៃ Confirel ទៅលើការកែច្នៃផលិតផលជាតិដោយបច្ចេកទេសខ្ពស់ និងគោលគំនិតអភិវឌ្ឍវិលជុំ
ចុះផ្សាយនៅថ្ងៃ៖
ស្តាប់ - ១៣:៥១
ក្រុមហ៊ុន Confirel ដែលជាក្រុមហ៊ុនកែច្នៃផលិតផលកសិកម្ម និងជួយលើកកម្ពស់ជីវភាពកសិករខ្មែរ នៅថ្ងៃទី០៩ ខែវិច្ឆិកានេះ ត្រូវបានជ្រើសរើសជាជ័យលាភីពានរង្វាន់ Asean Buisiness Award ដែលធ្វើឡើងនៅក្នុងប្រទេសកម្ពុជា។ លោកឧកញ៉ាឱសថបណ្ឌិត ហៃ លីអ៊ាង អគ្គនាយកនៃសហគ្រាសផលិតឱសថ PPM និងក្រុមហ៊ុនConfirel បានថ្លែងឲ្យដឹងថា ការដែល Confirel ទទួលបានពានរង្វាន់ Asean Buisiness Award នៅពេលនេះ គឺជាកិត្តិយសរបស់ក្រុមហ៊ុនលោក ក៏ដូចជាកិត្តិយសសម្រាប់ប្រទេសកម្ពុជាផងដែរ។ លោកឱសថបណ្ឌិតបញ្ជាក់ថា ការដែលអាស៊ានជ្រើសរើសក្រុមហ៊ុន Confirel ជាជ័យលាភីទទួលពានរង្វាន់ ក៏ដោយសារតែគេឲ្យតម្លៃទៅលើផលិតផលអត្តសញ្ញាណដែលបន្សល់ទុកពីដូនតា ដោយប្រើបច្ចេកទេសថ្មី ឆ្លើយតបទៅនឹងតម្រូវការជាលក្ខណៈជាតិ និងអន្តរជាតិ។
