លោក សុង សារ៉ន៖ អាជ្ញាធរមូលដ្ឋានគួរសម្រួលចរាចរណ៍ដឹកស្រូវឆ្លងខេត្តឱ្យមានភាពល្អប្រសើរ
ចុះផ្សាយនៅថ្ងៃ៖
ស្តាប់ - ១៣:០៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅថ្ងៃនេះគឺលោក សុង សារ៉ន ប្រធានសហព័ន្ធស្រូវអង្ករកម្ពុជា។ ក្នុងការដោះស្រាយបញ្ហាតម្លៃទីផ្សារស្រូវធ្លាក់ចុះនៅតាមបណ្តាខេត្តជាប់ព្រំដែនថៃ នារដូវប្រមូលផលឆ្នាំនេះ រដ្ឋាភិបាលកម្ពុជាតាមរយៈក្រសួងកសិកម្ម និងដោយមានកិច្ចសហការជាមួយភាគីពាក់ព័ន្ធ បានដាក់ចេញគោលការណ៍រក្សាស្ថេរភាពតម្លៃនៅត្រឹម ១០៤០រៀល។ តាមលោក សុង សារ៉ន រោងម៉ាស៊ីននៅតាមបណ្តាខេត្តទាំងនោះ នៅតែបន្តប្រមូលទិញស្រូវពីប្រជាកសិករយ៉ាងសស្រាក់សស្រាំ ដោយគិតត្រឹមពេលនេះ នៅតាមតំបន់នីមួយៗបានប្រមូលទិញប្រមាណ២០-៣០ភាគរយហើយ។ ប្រឈមនឹងបរិបទដោះស្រាយបញ្ហាស្រូវអង្ករនៅពេលនេះ លោកប្រធានសហព័ន្ធស្រូវអង្ករកម្ពុជា អំពាវដល់អាជ្ញាធរមូលដ្ឋាន ជួយសម្រួលចរាចរណ៍ដឹកជញ្ជូនស្រូវឆ្លងខេត្តរបស់ប្រជាពលរដ្ឋ ឱ្យកាន់តែងាយស្រួលនិងល្អប្រសើរ។