ឧកញ៉ា សុង សារ៉ន៖ កម្ពុជាបាត់បង់ទីផ្សារអង្ករគ្រាប់វែងទាំងស្រុងនៅទីផ្សារអឺរ៉ុបអំឡុងពេល៣ឆ្នាំនៃការជាប់ពន្ធ
ចុះផ្សាយនៅថ្ងៃ៖
ស្តាប់ - ១០:១៥
ដោយអនុវត្តប្រព័ន្ធ Safegarde ដើម្បីការពារសមាជិករបស់ខ្លួន ដែលផលិតស្រូវអង្ករដែរនោះ សហភាពអឺរ៉ុបបានដាក់ពន្ធលើអង្ករគ្រាប់វែងកម្ពុជា និងភូមាអស់រយៈពេល៣ឆ្នាំ ចាប់តាំងពីខែមករា ឆ្នាំ២០១៩មក។ ក៏ប៉ុន្តែកម្ពុជាបានដាក់បណ្តឹងប្រឆាំងនឹងចំណាត់ការរបស់គណៈកម្មការអឺរ៉ុបភ្លាមៗ ហើយទើបតែដើមខែវិច្ឆិកា ឆ្នាំ២០២២នេះ តុលាការអឺរ៉ុបបានកាត់ក្តីឲ្យកម្ពុជាឈ្នះ។ ក៏ប៉ុន្តែ៣ឆ្នាំកន្លងទៅនៃការដាក់ពន្ធលើអង្ករគ្រាប់វែងកម្ពុជាចូលទៅអឺរ៉ុប ធ្វើឲ្យអង្ករកម្ពុជានាំចូលទីផ្សារអឺរ៉ុបធ្លាក់ចុះ ពី២០ទៅ៣០% ហើយអង្ករគ្រាប់វែងកម្ពុជាបានបាត់បង់ទីផ្សារអឺរ៉ុបទាំងស្រុង។ នេះបើតាមលោកឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា។ ទោះយ៉ាងណា លោកឧកញ៉ា សុង សារ៉ន បញ្ជាក់ថាសាលក្រមរបស់តុលាការអឺរ៉ុបពេលនេះ ជួយឲ្យកម្ពុជាទទួលបានយុត្តិធម៌ និងមុខមាត់មកវិញ ហើយការនាំអង្ករទៅកាន់អឺរ៉ុបរយៈពេល១១ខែ ឆ្នាំ២០២២នេះ បានរំកិលទៅជិតចំណុចដើមវិញ មុនពេលអឺរ៉ុបដាក់ពន្ធ។
