លោក កាំង តុងងី៖ មានការព្រួយបារម្មលើការផ្តល់កម្ចីឥណទានខុសច្បាប់នៅកម្ពុជា
ចុះផ្សាយនៅថ្ងៃ៖
ស្តាប់ - ១១:៣៧
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ គឺលោក កាំង តុងងី អ្នកនាំពាក្យសមាគមគ្រឹះស្ថានមីក្រូហិរញ្ញវត្ថុកម្ពុជា។ ឆ្លើយតបទៅនឹងសំណួររបស់ អោ ស្រីពេជ្រ លោក កាំង តុងងី ធ្វើការកត់សម្គាល់ថា ការផ្តល់សេវាឥន្ធទានខុសច្បាប់កំពុងកើតមានយ៉ាងអាណាធិបតេយ្យនៅកម្ពុជា មិនថានៅតាមប្រព័ន្ធអនឡាញ ឬតាមខ្នងផ្ទះរបស់ប្រជាជនឡើយ។ លោកតុងងី រកឃើញថា ក្នុងមួយថ្ងៃ កម្ចីក្រៅប្រព័ន្ធនេះតម្រូវការប្រាក់ខ្ពស់ចម្លោះពី ១០ ទៅ ២០ ភាគរយឯណោះ ដែលអ្នកខ្ចីខ្លះត្រូវទទួលរងហិង្សាឲ្យសងប្រាក់ ហើយអ្នកខ្ចីខ្លះទៀត ត្រូវគេបង្ខំអោយថតរូបអាក្រាតជាថ្នូរ។ សមាគមតែងចុះអប់រំជាប្រចាំដល់សហគមន៍រស់នៅពលរដ្ឋ អំពីហានិភ័យពីការទទួលប្រាក់កម្ចីក្រៅប្រព័ន្ធ ប៉ុន្តែករណីដដែលនេះនៅតែបន្តមាន។ តាមលោក កាំង តុងងី ការដោះស្រាយបញ្ហាដ៏រាំរៃនេះអោយមានប្រសិទ្ធិភាព ចាំបាច់ត្រូវមានការចូលរួមពីគ្រប់ភាគីក្រសួងស្ថាប័នពាក់ព័ន្ធ ពិសេសអាជ្ញាធរតាមមូលដ្ឋាន។
