នេត្រ ភក្រ្តា៖ កម្ពុជាមានប្រយោជន៍ច្រើនពីការរៀបចំវេទិកាថ្នាក់តំបន់នៃសេដ្ឋកិច្ចចក្រានៅលើទឹកដីខេត្តសៀមរាប
ចុះផ្សាយនៅថ្ងៃ៖
ស្តាប់ - ១២:៥៨
វេទិកាថ្នាក់តំបន់ក្រោមប្រធានបទ«សមាហរណកម្មសេដ្ឋកិច្ចទៅក្នុងការអភិវឌ្ឍលើគ្រប់វិស័យឆ្ពោះទៅសម្រេចបាន សង្គមគ្មានសំណល់ និងគោលដៅអភិវឌ្ឍន៍ប្រកបដោយចីរភាព» បានចាប់ផ្តើមហើយនៅថ្ងៃពុធនេះ នៅលើទឹកដីខេត្តសៀមរាប ដោយមានការចូលរួមពីប្រតិភូបរិស្ថាននៃប្រទេសនៅតំបន់អាស៊ី និងប៉ាស៊ីហ្វិកចំនួន៤០។ លោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានថ្លែងបញ្ជាក់ថា តាមរយៈវេទិកាតំបន់អាស៊ី និងប៉ាស៊ីហ្វិកស្តីពី 3R និងសេដ្ឋកិច្ចចក្រានេះ ប្រទេសកម្ពុជាអាចទាញបានផលប្រយោជន៍ជាច្រើន ក្នុងនោះបានបង្ហាញពីសមត្ថភាព និងមោទនភាពក្នុងនាមជាម្ចាស់ផ្ទះ ការបង្ហាញនូវភាពសំបូរបែបនៃកេរដំណែលវប្បធម៌របស់ដូនតាខ្មែរ ការសម្របសម្រួល និងគិតគូរពីបញ្ហាបរិស្ថានជារួមសម្រាប់តំបន់ និងពិភពលោក និងជាឱកាសដែលកម្ពុជាបានបង្ហាញពីការតាំងចិត្តក្នុងការចូលរួម និងការពារបរិស្ថានតំបន់ និងពិភពលោក។
