លោក សោម សូរីដា៖ ការបោះឆ្នោតក្រុង-ស្រុកបំបែកថ្មី មិនប៉ះពាល់ដល់រចនាសម្ព័ន្ធក្រុមប្រឹក្សាឃុំ-សង្កាត់ដែលបោះឆ្នោតកាលពីឆ្នាំ២០២២
ចុះផ្សាយនៅថ្ងៃ៖
ស្តាប់ - ១០:០៤
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក សោម សូរីដា អគ្គលេខាធិការរងគណៈកម្មាធិការជាតិរៀបចំការបោះឆ្នោត។ នៅថ្ងៃអាទិត្យនេះ គ.ជ.ប បានរៀបចំការបោះឆ្នោតតាមបែបអសកល នៅក្រុងស្រុកដែលទើបនឹងបំបែកថ្មីចំនួន៥ ក្នុងខេត្តកណ្តាល កំពង់ស្ពឺ និងក្រចេះ ដើម្បីជ្រើសរើសក្រុមប្រឹក្សាក្រុង-ស្រុក។ លោក សោម សូរីដា បញ្ជាក់ថា ស្ថានភាពនៃការបោះឆ្នោតតាមបែបអសកល បានប្រព្រឹត្តទៅដោយរលូន ដោយមិនមានបញ្ហាមិនប្រក្រតីណាមួយឡើយ។ បន្ថែមពីនេះ អគ្គលេខាធិការរងគ.ជ.ប រូបនេះ បញ្ជាក់ថា ការបោះឆ្នោតក្រុង-ស្រុកបំបែកថ្មីទាំង៥ មិនបានប៉ះពាល់ដល់រចនាសម្ព័ន្ធក្រុមប្រឹក្សាឃុំ-សង្កាត់ ដែលបានបោះឆ្នោតកាលពីឆ្នាំ២០២២កន្លងទៅនោះឡើយ។