សោម សូរីដា៖ គណបក្សចំនួន៤ បានដាក់ពាក្យក្រកួតប្រជែងនៅថ្ងៃដំបូង ខណៈការទទួលពាក្យនឹងត្រូវធ្វើឡើងទាំងថ្ងៃសម្រាក
ចុះផ្សាយនៅថ្ងៃ៖
ស្តាប់ - ០៩:៤៨
នៅថ្ងៃទី២៤ ខែមេសានេះ គឺជាថ្ងៃដំបូង ដែលគណបក្សនយោបាយនានាធ្វើការចុះបញ្ជីគណបក្សឈរឈ្មោះបោះឆ្នោត និងបញ្ជីបេក្ខជន នៅគណៈកម្មាធិការជាតិរៀបចំការបោះឆ្នោត(គ.ជ.ប) ដើម្បីចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រនីតិកាលទី៧ នៅថ្ងៃទី២៣ ខែកក្កដាខាងមុខ។ លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប បានថ្លែងបញ្ជាក់ថា នៅថ្ងៃដំបងនៃការចុះបញ្ជីគណបក្សឈរឈ្មោះបោះឆ្នោត និងបញ្ជីបេក្ខជននេះ គ.ជ.ប ទទួលបាន៤គណបក្ស។ គណបក្សទាំង៤រួមមាន គណបក្សប្រជាជនកម្ពុជា គណបក្សយុវជនកម្ពុជា គណបក្សខ្មែររួបរួមជាតិ និងគណបក្សធម្មាធិបតេយ្យ។ អ្នកនាំពាក្យ គ.ជ.ប រូបនេះបន្តថា ការទទួលការចុះបញ្ជីគណបក្សឈរឈ្មោះបោះឆ្នោត និងបញ្ជីបេក្ខជននឹងត្រូវធ្វើឡើងរយៈពេល១៥ថ្ងៃ ដោយគិតទាំងថ្ងៃសៅរ៍ និងថ្ងៃអាទិត្យផងដែរ។