លោក សុខ ឥសាន៖ អ្នកបន្តវេននឹងត្រូវបញ្ចូលក្នុងកញ្ចប់គណៈរដ្ឋមន្ត្រីថ្មី បើបក្សប្រជាជនកម្ពុជាឈ្នះឆ្នោត
ចុះផ្សាយនៅថ្ងៃ៖
ស្តាប់ - ១៣:២៤
ចាប់ពីថ្ងៃទី០១កក្កដា រហូតដល់ថ្ងៃទី២១កក្កដា គឺជាយុទ្ធនាការឃោសនារបស់គណបក្សនយោបាយទាំង១៨ ដែលនឹងត្រូវចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រនីតិកាលទី៧។ នៅថ្ងៃដំបូងនេះ គណបក្សប្រជាជនកម្ពុជា ដែលជាគណបក្សកាន់អំណាច បានជួបជុំសមាជិករបស់ខ្លួនជាង៧ម៉ឺន ដើម្បីដង្ហែក្បួនឃោសនា។ លោក សុខ ឥសាន អ្នកនាំពាក្យគណបក្សប្រជាជនកម្ពុជា បញ្ជាក់ថា គណបក្សប្រជាជនកម្ពុជានឹងលើកយកគោលនយោបាយអាទិភាព ដែលខ្លួនដាក់ចេញ មកឃោសនាប្រាប់ប្រជាពលរដ្ឋ។ តាមលោក សុខ ឥសាន បក្សប្រជាជនកម្ពុជា ក៏នឹងត្រៀមបញ្ចូលឈាមជ័រអ្នកបន្តវេន កញ្ចប់គណៈរដ្ឋមន្ត្រីថ្មី ប្រសិនបើគណបក្សប្រជាជនកម្ពុជាឈ្នះឆ្នោត។
