បទសម្ភាស
លោក មាស បូពៅ៖ គណបក្សផ្តោតសំខាន់ទៅលើផលប្រយោជន៍កសិករក្នុងចំណោមគោលនយោបាយទាំង១០ចំណុច
ចុះផ្សាយនៅថ្ងៃ៖
ស្តាប់ - ១២:០២
គណបក្សកសិករបានប្រើពេលវេលាអស់រយៈពេលជិត២សប្តាហ៍កន្លងទៅនេះ ដើម្បីផ្សព្វផ្សាយគោលនយោបាយរបស់ខ្លួនចំនួន១០ចំណុច។ ចំណុចសំខាន់ៗទាំងអស់នោះ គឺមិនមានអ្វីខុសគ្នាពីគណបក្សនយោបាយផ្សេងៗទៀត ដែលបានចូលរួមក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧នេះ។ ក៏ប៉ុន្តែលោក មាស បូពៅ ដែលជាប្រធានគណបក្សកសិករ បានចាត់ទុកចំណុចទី៦នៃគោលនយោបាយថាជាចំណុចយុទ្ធសាស្ត្រ ដែលមានគោលដៅការពារផលប្រយោជន៍របស់កសិករ ដែលតំណាងឲ្យ៨៥%នៃប្រជាពលរដ្ឋទូទាំងប្រទេស។ តាមលោក មាស បូពៅ មានបញ្ហាមួយចំនួនដែលត្រូវដោះស្រាយប្រសិនបើគណបក្សកសិករឈ្នះអាសនៈនៅក្នុងរដ្ឋសភា រួមមានការកែសម្រួលប្រព័ន្ធធារាសាស្ត្រ រកទីផ្សារកសិផលជូនកសិករ ការរក្សាស្ថិរភាពតម្លៃកសិផល បង្កើតទុនបំរុង រួមនឹងគោលនយោបាយចិញ្ចឹមសត្វផងដែរ។
