លោក ស្រូយ ខេត៖ បញ្ហាប្រឈមរបស់ជនជាតិដើមភាគតិច បានកាត់បន្ថយ ក្រោយមានគណបក្សជនជាតិដើមប្រជាធិបតេយ្យកម្ពុជា
ចុះផ្សាយនៅថ្ងៃ៖
ស្តាប់ - ១២:៤៧
គណបក្សជនជាតិដើមប្រជាធិបតេយ្យកម្ពុជា ជាគណបក្សមួយដែលបង្កើតឡើងដោយក្រុមជនជាតិដើមភាគតិច នៅអំឡុងឆ្នាំ២០១៥។ តាំងពីបង្កើតឡើងមក គណបក្សនេះ ធ្លាប់បានចូលរួមការបោះឆ្នោតឃុំ-សង្កាត់ឆ្នាំ២០១៧ ការបោះឆ្នោតជ្រើសតាំងតំណាងរាស្រ្តឆ្នាំ២០១៨ និងការបោះឆ្នោតឃុំ-សង្កាត់ឆ្នាំ២០២២ តែសុទ្ធមិនទទួលជោគជ័យ។ សម្រាប់ការបោះឆ្នោតឆ្នាំ២០២៣នេះ គណបក្សជនជាតិដើមប្រជាធិបតេយ្យកម្ពុជា បានដាក់គោលនយោបាយចំនួន១០ចំណុច ដោយឲ្យអាទិភាពទៅលើបញ្ហារបស់ជនជាតិដើមភាគតិចតែម្តង។ លោក ស្រូយ ខេត អនុប្រធានគណបក្សជនជាតិដើមប្រជាធិបតេយ្យកម្ពុជា ថា តាំងពីបង្កើតឡើងមក គណបក្សជនជាតិដើមប្រជាធិបតេយ្យកម្ពុជាបានដោះស្រាយបញ្ហាប្រឈមរបស់ជនជាតិដើមភាគតិចជាច្រើន ជាពិសេសបញ្ហាដីធ្លី។
