លោក សោម សូរីដា៖ សម្រាប់កម្ពុជា ភាពសេរី និងយុត្តិធម៌គឺសំដៅទៅលើការគោរព និងអនុវត្តច្បាប់
ចុះផ្សាយនៅថ្ងៃ៖
ស្តាប់ - ១២:៤៣
ការបោះឆ្នោតជ្រើសតាំងតំណាងរាស្ត្រនីតិកាលទី៧ បានកន្លងផុតទៅហើយ ហើយគណៈកម្មាធិការជាតិរៀបចំការបោះឆ្នោត(គ.ជ.ប)ក៏បានធ្វើការវាយតម្លៃហើយដែរនៅថ្ងៃនេះ ថាដំណើរការបោះឆ្នោតបានប្រព្រឹត្តទៅដោយជោគជ័យ និងក្នុងបរិយាកាសស្ងប់ស្ងាត់ សន្តិសុខ សុវត្ថិភាព និងសណ្តាប់ធ្នាប់ល្អ។ល។ ក៏ប៉ុន្តែអ្នកនាំពាក្យក្រសួងការបរទេសសហរដ្ឋអាមេរិកនៅថ្ងៃចន្ទ ទី២៤ ខែកក្កដានេះ បានសម្តែងនូវការរំខានចិត្តដោយសារការបោះឆ្នោតនៅកម្ពុជាមិនមានភាពសេរី និងយុត្តិធម៌។ ជុំវិញបញ្ហានេះ លោក សោម សូរីដា អ្នកនាំពាក្យគណៈកម្មាធិការជាតិរៀបចំការបោះឆ្នោតលើកឡើងថាការរៀបចំបោះឆ្នោតនៅកម្ពុជាគឺសំដៅទៅលើគ្រប់គណបក្សនយោបាយទាំងអស់ ដែលបានចុះបញ្ជីនៅក្រសួងមហាផ្ទៃ និងមានលក្ខណៈសម្បត្តិគ្រប់គ្រាន់ក្នុងការចូលរួមបោះឆ្នោត ដោយមិនមានការរើសអើងគណបក្សនយោបាយណាមួយឡើយ។
