ចិន៖ យានឆាងអឺទី៥ បាននាំយកបំណែកថ្មនៅឋានព្រះចន្ទមកដល់ផែនដី
ថ្ងៃអាទិត្យ ទី៦ធ្នូ យានឆាងអឺទី៥ របស់ចិន បាននាំយកបំបែកថ្មនៅឋានព្រះចន្ទ មកដល់ផែនដី។ នេះ ជាជោគជ័យដ៏សម្បើម លើកទី១ របស់ទីភ្នាក់ងារអវកាសចិន ហើយក៏ជាដំណឹងដ៏ត្រេកអររបស់ចិន ដែលត្រូវបានចុះផ្សាយយ៉ាងព្រោងព្រាតដោយកាសែតរដ្ឋអំណាចក្រុងប៉េកាំង។ ដំណឹងនេះក៏ត្រូវផ្សាយដោយទីភ្នាក់ងារអវកាសអន្តរជាតិដែរ។
ចុះផ្សាយនៅថ្ងៃ៖
យានឆាងអឺទី៥ របស់ចិន បានទៅចុះចត នៅលើឋានព្រះចន្ទ ប្រកបដោយជោគជ័យ នៅថ្ងៃទី២ធ្នូ បន្ទាប់ពីបានចាកចេញ ពីផែនដី កាលពីថ្ងៃទី ២៤វិច្ឆិកា។ នៅព្រឹកថ្ងៃអាទិត្យ ទី៦ធ្នូ ផ្នែកមួយរបស់យានឆាងអឺទី៥ បាននាំយកថ្ម ដែលតាមគម្រោងគឺទំហំ២គីឡូក្រាម យកមកផែនដី។ នោះជាបំណែកថ្ម ដែលគេខួងជម្រៅ២ម៉ែត្រ នៅឋានព្រះចន្ទ។
មហាយក្ស ចិន គឺជាប្រទេសទី៣ ដែលបានទៅដល់ព្រះចន្ទ បន្ទាប់ពីសហរដ្ឋអាមេរិក និងសហភាពសូវៀត។ ក៏ប៉ុន្តែ នេះមិនមែនជាលើកទី១ទេ ដែលភ្នាក់ងារអវកាចិនបានទៅដល់ទីនោះ ពោលគឺ ចិនធ្លាប់បានបញ្ចូន មនុស្សគ្រឿងយន្ត ទៅដល់ព្រះចន្ទពីរដងរួចមកហើយ កាលពីឆ្នាំ២០១៣ និង២០១៩។ នាប៉ុន្មានឆ្នាំក្រោយនេះ ចិន មហាយក្សអាស៊ី ប្រឹងប្រែងវិនិយោគលុយរាប់ពាន់លានដុល្លារ ក្នុងគម្រោងស្រាវជ្រាវអវកាស ដើម្បីតាមឱ្យទាន់អឺរ៉ុប រុស្ស៊ី និងអាមេរិក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ