បទយកការណ៍
ជិត២០ឆ្នាំក្រោយបញ្ចប់សង្រ្គាម គ្រាប់មីននៅតែបង្កការលំបាកដល់ពលរដ្ឋខ្មែរ
ចុះផ្សាយនៅថ្ងៃ៖
ស្តាប់ - ០៨:៤១
គ្រាប់មីនជាសញ្វវុធមួយប្រភេទ ដែលគេប្រើប្រាស់ ដើម្បីច្បាំងគ្នា។ នៅកម្ពុជា មានការប្រើប្រាស់គ្រាប់មីនច្រើនបំផុត ចាប់ពីឆ្នាំ១៩៧៩ ដល់ឆ្នាំ១៩៩៣ ដោយភាគីខ្មែរសត្រូវគ្នាទំាងបួនភាគី។ ជិត២០ឆ្នាំ ភ្លើងសង្រ្គាមផ្ទៃក្នុងបានរលត់ទៅយ៉ាងណាក្តី តែគ្រាប់មីនសល់ពីសង្រ្គាម នៅតែបន្តសម្លាប់ប្រជាពលរដ្ឋខ្មែររហូតមកដល់ពេលនេះ និងច្រើនឆ្នាំទៅមុខទៀត។ កម្ពុជាត្រូវការពេលវេលា ថវិកាច្រើន ដើម្បីកម្ទេចមីនទំាងនោះអោយអស់ ក្នុងរយៈពេលពី១០ ទៅ១៥ឆ្នាំទៀត តែពេលនេះប្រជាជនរស់នៅតាមចម្ការមីនទទូចសុំ អោយរដ្ឋាភិបាលជួយដោះមីនអោយបានឆាប់ ពីព្រោះមីនជាមូលហេតុធ្វើអោយពួកគាត់ក្រីក្រ។