លោកស៊ាង សុបញ្ញា៖ យុវជនគួរចំណាយប្រាក់ដើម្បីរៀននៅសាលាល្អ ជាជាងចំណាយលើសម្ភារៈទំនើប
ចុះផ្សាយនៅថ្ងៃ៖
ស្តាប់ - ០៨:៤១
ជាកូនអ្នកជនបទដែលឡើងមករៀននៅភ្នំពេញក្នុងឆ្នាំ១៩៩៨ លោកស៊ាង សុបញ្ញា បានខិតខំតស៊ូក្នុងការរៀនសូត្រ និងការងារ រហូតក្លាយជាម្ចាស់សាលាបង្រៀនភាសាអង់គ្លេសមួយ ឈ្មោះ វិទ្យាស្ថានអន្តរជាតិកម្ពុជា អាស៊ាន និងមានការងារល្អៗ មានប្រាក់ខែខ្ពស់ជាច្រើន។ ជាមួយគ្នានេះ លោកសុបញ្ញា បានចេញទៅសិក្សានៅក្រៅប្រទេស ឆ្លងកាត់ដំណើរទស្សនកិច្ចផ្លាស់ប្តូរបទពិសោធន៍ ពីប្រទេសមួយទៅប្រទេសមួយ ។ អាចនិយាយថាគាត់ ជាអ្នកជោគជ័យក្នុងការសិក្សា និងការងារ លោកសុបញ្ញា បានលើកឡើងថា យុវជនគួរចំណាយប្រាក់ដើម្បីរៀននៅសាលាល្អ ជាជាងការចំណាយប្រាក់ដើម្បីទិញសម្ភារៈទំនើបៗប្រើប្រាស់។