លោក ហូ វណ្ឌី៖ ពលរដ្ឋខ្មែរប្រហែល ១០ភាគរយចេញទៅក្រៅប្រទេសពេលបុណ្យភ្ជុំបិណ្ឌ
ចុះផ្សាយនៅថ្ងៃ៖
ស្តាប់ - ១១:៤៨
ភ្ញៀវប្រចាំថ្ងៃរបស់វិទ្យុយើងនៅថ្ងៃសុក្រទី ៤ តុលានេះគឺលោក ហូ វណ្ឌី សហប្រធានក្រុមការងារទេសចរណ៍ផ្នែកឯកជន។ ឆ្លើយតបនឹងសំណួរបស់ ប៉ែន បូណា លោក ហូ វណ្ឌី បានអះអាងថា ពលរដ្ឋខ្មែរបានចេញធ្វើទេសចរយ៉ាងច្រើនពេលរដូវបុណ្យភ្ជុំបិណ្ឌដែលធ្វើឲ្យទីក្រុងភ្នំពេញស្ងាត់ជ្រងំ។ ក្នុងចំណោមអ្នកធ្វើទេសចរណ៍ទាំងនោះ មានប្រហែល១០ភាគរយបានចេញទៅក្រៅប្រទេសជាពិសេសប្រទេសជិតខាង។ បើយោងតាមលោក ហូ វណ្ឌី វិស័យទេសចរណ៍កំពុងដើរតួនាទីកាន់តែសំខាន់ឡើង ប៉ុន្តែ ផលដែលទទួលបានពីវិស័យនេះបានធ្លុះធ្លាយទៅបរទេសវិញយ៉ាងច្រើន រីឯការបែងចែកភាគផលដល់ពលរដ្ឋខ្មែរក៏នៅមិនទាន់សមស្របដែរ៕