កងទ័ពអាមេរិកាំងសម្លាប់ពួកតាលីបង់ជាច្រើននាក់នៅប៉ាគីស្ថាន
កាំជ្រួច មីស្ស៊ីល បាញ់ចេញពីយន្តហោះអាមេរិកាំងគ្មានអ្នកបើកបរបញ្ជាពីចម្ងាយ បានសម្លាប់ពួកអ៊ីស្លាមនិយមជ្រុល យ៉ាងតិច ១៧ នាក់នៅថ្ងៃចន្ទ៦មិថុនានេះ នៅតំបន់ប៉ាគីស្ថានខាងត្បូង Waziristan ជិតព្រំដែនអាហ្វហ្កានីស្ថាន ។នេះបើយោងតាមក្រសួងស៊ើបការណ៍ប៉ាគីស្ថាន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៩
កងទ័ពអាមេរិកាំងរមែងធ្វើការទម្លាក់គ្រាប់បែកបែបនេះជារឿយៗ នៅតំបន់កុលសម្ព័ន្ធនេះហើយការទម្លាក់គ្រាប់បែកមួយ នៅល្ងាចថ្ងៃសុក្រមុន ប្រហែលជាបានផ្តាច់ជីវិតមេកើយអាល់ កៃដាម្នាក់ឈ្មោះIlias Kachmiri។ប៉ុន្តែ អាជ្ញាធរអាមេរិកាំងពុំបានបញ្ជាក់អះអាងមរណភាពរបស់មេកើយនេះទេ។
ស្របតាមអ្នកទទួលខុសត្រូវនៃក្រសួងស៊ើបការណ៍ប៉ាគីស្ថាន ការទម្លាក់គ្រាប់បែកជាបន្តបន្ទាប់គ្នាពីរលើកធ្វើដោយយន្តហោះdroneគ្មានអ្នកបើកបរបញ្ជាពីចម្ងាយ នៅថ្ងៃចន្ទ៦មិថុនានេះ ប្រហែលជាបានប៉ះពាល់ទីជម្រកមួយរបស់ពួកឩទ្ទាមនិងសាលារៀនអ៊ីស្លាមជិតខាងមួយ ដោយសរុប បណ្តាលឱ្យស្លាប់ជន១៤នាក់ រួមមានជនបរទេស៧នាក់ផង។អ្នករងគ្រោះខ្លះស្លាប់ នៅពេលដែលគេមកយកខ្មោចជនស្លាប់ ដោយការទម្លាក់គ្រាប់បែកលើកទីមួយ។អ្នកស្លាប់ទាំងនេះពុំត្រូវបានបញ្ជាក់អះអាង ដោយប្រភពព័ត៌មានឯករាជ្យម្ចាស់ការឡើយ។
“ កាំជ្រួចមីស្ស៊ីលបានបាញ់ចំទីកន្លែងលាក់ខ្លួនមួយរបស់ពួកឩទ្ទាម នៅភ្នំជិតទីក្រុងWana “ -ស្របតាមប្រភពព័ត៌មានមួយ នៅក្នុងក្រសួងស៊ើបការណ៍ប៉ាគីស្ថាន។ Wana គឺជាទីក្រុងធំនៅខាងត្បូងWaziristan។
ម្យ៉ាងទៀត កាំជ្រួចមីស្ស៊ីលមួយដើមបាញ់ចេញពីយន្តហោះdroneអាមេរិកាំងមួយគ្រឿងបានកម្ទេចរថយន្តមួយគ្រឿងនិងសម្លាប់ពួកឩទ្ទាមបីនាក់ នៅក្នុងភូមិមួយស្ថិតនៅចម្ងាយ៥០គីឡូម៉ែត្រពីការទម្លាក់គ្រាប់បែកដទៃទៀត។
នៅឆ្នាំ២០០៩ កងទ័ពប៉ាគីស្ថានបានបើកការវាយលុកដ៏ធំធេងទៅលើពួកតាលីបង់ប៉ាគីស្ថានដែលតាំងនៅខាងត្បូងWaziristan ជាហេតុតម្រូវឱ្យពួកនេះជាច្រើនស្វែងរកទីជម្រក នៅខាងជើងWaziristanវិញ។
ក៏ប៉ុន្តែ ការវាយលុកនេះពុំបានទាក់ទងតំបន់Wanaទេ ពីព្រោះពួកឩទ្ទាមដែលតាំងនៅទីនោះ មិនប្រឆាំងនឹងអាជ្ញាធរប៉ាគីស្ថានឡើយ។ ក៏ប៉ុន្តែ គេឆ្លងព្រំដែនទៅកាន់អាហ្វហ្កានិស្ថាន ដើម្បីវាយប្រហារទៅលើកងទ័ពអូតង់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ