កិច្ចប្រជុំត្រីភាគី កម្ពុជា-ថៃ-ឥណ្ឌូណេស៊ី ៖ ថៃលែងនិយាយអំពីលក្ខខណ្ឌឲ្យកម្ពុជាដកទ័ព
កិច្ចប្រជុំត្រីភាគី ថ្នាក់រដ្ឋមន្ត្រីការបរទេស កម្ពុជា ថៃ ឥណ្ឌូណេស៊ី បានប្រព្រឹត្តទៅរយៈពេលបីម៉ោង ពីម៉ោងបីរសៀល ដល់ម៉ោង៦ល្ងាច ម៉ោងក្នុងប្រទេសឥណ្ឌូណេស៊ី។ បើតាមមន្ត្រីការទូតខ្មែរ កិច្ចប្រជុំ សម្រេចបានលទ្ធផលមួយចំនួន ហើយក្នុងគ្រានេះ គេកំពុងព្រាងឯកសារ មុននឹងធ្វើសេចក្តីប្រកាសជាផ្លូវការ។ លោក ហោ ណាំហុង រដ្ឋមន្ត្រីការបរទេសខ្មែរ បានចេញ ពីបន្ទប់ប្រជុំមុន ដោយមានលោករដ្ឋមន្ត្រីការបរទេសឥណ្ឌូណេស៊ី អមដំណើរ បន្ទាប់មកទើបឃើញរដ្ឋមន្ត្រីការបរទេសថៃ ដើរចេញតាមក្រោយ។លទ្ធផលនៃកិច្ចប្រជុំត្រូវបានប្រគល់ឲ្យរដ្ឋមន្ត្រីការបរទេសឥណ្ឌូណេស៊ីជាអ្នកប្រកាស។ ចំណុចជាវិជ្ជមាន គឺថៃសន្យាថានឹងចុះហត្ថលេខាទទួលយកលក្ខខណ្ឌប្រតិបត្តិនៃអ្នកសង្កេតការណ៍ឥណ្ឌូណេស៊ី ដោយមិននិយាយអំពីលក្ខខណ្ឌឲ្យកម្ពុជាដកទ័ពចេញពី ព្រះវិហារ និងតំបន់ជុំវិញ៕
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០៥:២៩
