កម្ពុជា
ស្ពានថ្មីមួយទៀត នៅកោះពេជ្របើកឲ្យដំណើរការ
ស្ពានថ្មីមួយទៀត នៅកោះពេជ្រ ត្រូវបានបើកឲ្យឆ្លងកាត់នៅព្រឹកថ្ងៃចន្ទនេះ។ មានទទឹង ១០ម៉ែត្រ និងបណ្តោយ ៧០ម៉ែត្រ ស្ពានថ្មីនោះ ត្រូវបានសាងសង់ឡើង ដោយចំណាយថវិកាជាង ៣ លានដុល្លារ។ ស្ពានថ្មពីរផ្សេងទៀត ក៏នឹងត្រូវបើកឲ្យដំណើរការឆ្លងកាត់ នៅតំបន់កោះពេជ្រ ឲ្យបានមុនពិធីបុណ្យអុំទូក ឆ្នាំនេះ។ការសាងសង់ស្ពានថ្មីចំនួន ៣ បន្ថែមលើស្ពានថ្មពីរ នៅតំបន់អភិវឌ្ឍន៍កោះពេជ្រ ត្រូវបានធ្វើឡើង ដើម្បីបន្ថយការកក់ស្ទះមនុស្ស នៅពេលបុណ្យអុំទូក។ បុណ្យអុំទូក កាលពីឆ្នាំមុន នៅយប់ថ្ងៃទី២២វិច្ឆិកា ២០១០ ដោយសារមានតែច្រកចេញតែមួយ គឺនៅលើស្ពានពេជ្រ បានបណ្តាលឲ្យមានមនុស្សកកស្ទះ និងផ្អើលជាន់គ្នាស្លាប់ ៣៥៣ នាក់ ព្រមទាំងរបួសជិត ៤០០ នាក់ផ្សេងទៀត៕
ចុះផ្សាយនៅថ្ងៃ៖
