គ្មានការកំរិតចំនួនអាណត្តិប្រធានាធិបតីទៀតឡើយ
នៅសេរីលង្កា រដ្ឋាភិបាលបានប្រកាសនៅថ្ងៃសុក្រម្សិលមិញ១១មិថុនា អំពីការលើកនូវការកំរិតចំនួនអាណត្តិរបស់ប្រធានាធិបតី។បច្ចុប្បន្នប្រធានាធិបតី Mahinda Rajapakse ដែលចាប់ផ្តើមបំពេញអាណត្តិទី២របស់ខ្លួន អាចនឹងឈរឈ្មោះសំរាប់អាណត្តិទីបីនៅឆ្នាំ២០១៦។ ជាវិធានការដែលត្រូវឱ្យមានការយល់ព្រមពីរដ្ឋសភាទៀតផង ប៉ុន្តែការនេះគ្រាន់តែជាទម្រង់ការប៉ុណ្ណោះ។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
គឺជាក្រយាតំណាំងនៃការបោះឆ្នោតសភាចុងក្រោយ។លោកMahinda Rajapakseត្រូវតែទទួលជ័យជំនះឱ្យបានទូលំទូលាយគ្រប់គ្រាន់ ដើម្បីឱ្យរដ្ឋសភាកែប្រែរដ្ឋធម្មនុញ្ញ។
ទោះបីជាគណបក្សរបស់លោកប្រធានាធិបតីគ្មានសំឡេងភាគច្រើនតាមរយៈល្បែងចងសម្ពន្ធភាពក្តី ក៏រដ្ឋាភិបាលចាប់ពីអំណើះតទៅមានសេរីភាព ដើម្បីធ្វើវិសោធនកម្មបែបនេះ។ដោយរបៀបនេះ ក្រុមបក្សពួករបស់លោកRajapakseមានមធ្យោបាយកាន់ក្តាប់រដ្ឋអំណាច បន្ទាប់ពីឆ្នាំ២០១៦តទៅទៀត។
ប្រព័ន្ធនយោបាយត្រូវបិទជិតគឺមុខតំណែងសំខាន់ៗជាគន្លឹះស្ថិតក្នុងកណ្តាប់ដៃគ្រួសារប្រធានាធិបតីដូចយ៉ាងប្អូនប្រុសម្នាក់កាន់ក្រសួងការពារជាតិ ប្អូនប្រុសម្នាក់ទៀតកាន់ក្រសួងសេដ្ឋកិច្ចនិងប្អូនប្រុសទីបីធ្វើជាប្រធានរដ្ឋសភា។
ដំណាលពេលគ្នានេះ អាជ្ញាធរពឹងពាក់ប្រទេសឥណ្ឌាឱ្យជួយធ្វើហិរញ្ញប្បទានសំរាប់ធ្វើសមាហរ័ណកម្មឡើងវិញនៃពួកអ្នកភៀសខ្លួនតាមូលចំនួន៨ម៉ឺននាក់ដែលនៅតែស្ថិតនៅក្នុងជំរំចាប់តាំងពីចប់សង្គ្រាមដេញកំចាត់ពួកឩទ្ទាមខ្លារំដោះតាមូលមួយឆ្នាំមកហើយ។រដ្ឋាភិបាលឥណ្ឌាទើបនឹងសន្យាឱ្យខ្ចីលុយមួយពាន់លានដុល្លារ។
ចំណែកឯគូប្រជែងធំរបស់លោកRajapakse កាលបោះឆ្នោតជ្រើសរើសប្រធានាធិបតីខែមករាមុន ពុំអាចធ្វើអ្វីចំពោះគាត់បានឡើយ។នៅថ្ងៃសុក្រម្សិលមិញ១១មិថុនា ជាលើកទីបី តុលាកាកំពូលបានបដិសេធសំណូមពរឱ្យមានសេរីភាពបណ្តោះអាសន្នស្នើដោយមេធាវីរបស់លោកអតីតឩត្តមសេនីយចូលនិវត្តន៍Fonsekaដែលត្រូវជាប់ចោទពីបទរួមគំនិតក្បត់និងកំពុងតែរង់ចាំការប្រគល់ទៅឱ្យតុលាការសឹកវិនិច្ឆ័យទោស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ