ទស្សនកិច្ចបីថ្ងៃនៅឥណ្ឌារបស់លោកស្រី Hillary Clinton
លោកស្រី Hillary Clinton បានអញ្ជើញទៅដល់ប្រទេសឥណ្ឌា នៅល្ងាចថ្ងៃចន្ទម្សិលមិញ១៨កក្កដា ដើម្បីជួបសន្ទនាជាមួយលោកនាយករដ្ឋមន្ត្រី Manmohan Singh។ លោកស្រីរដ្ឋមន្ត្រីក្រសួងការបរទេសអាមេរិកាំងបំពេញទស្សនកិច្ចបីថ្ងៃ ដោយផ្តោតទៅលើចំណងសេដ្ឋកិច្ចនិងសន្តិសុខនៅក្នុងភូមិភាគ។ ជា ទស្សនកិច្ចដែលប្រព្រឹត្តទៅប៉ុន្មានថ្ងៃ ក្រោយពីមានអំពើភេរវកម្មបីកន្លែងនៅទីក្រុងBombayដែលបានបណ្តាល ឱ្យស្លាប់មនុស្សយ៉ាងតិច១៩នាក់និងត្រូវរបួសជាង១០០នាក់។
ចុះផ្សាយនៅថ្ងៃ៖
ស្តាប់ - ០២:១០
ដំណៅទិសនានាកំពុងតែកម្រើក នៅអាស៊ីខាងត្បូង។ទាហានលោកខាងលិចនឹងចាកចេញពីអាហ្វហ្កានិស្តង់ ទំនុកទុកចិត្តគ្នារវាងអាមេរិកនិងប៉ាគីស្តង់បានស្រុតចុះ។ប៉េកាំងប្រាថ្នាចង់បានកន្លែងមួយ អ៊ីស្លាម៉ាបាដខិតចូលជិតតេហេរ៉ង់ ឥណ្ឌាខ្លាចបារម្ភនឹងត្រូវប្រឈមមុខចំពោះដំណើរប្រែក្រឡាប់ចក្រជាថ្មីនៃសភាពការណ៍ នៅកាប៊ូល ព្រមជាមួយរដ្ឋាភិបាលជាខ្មាំងសត្រូវនិងពួកយុទ្ធជនស្រករថ្មីរំសាយពីកងទ័ពនិងដែលប្រែត្រឡប់ជាប្រឆាំងនឹងខ្លួនវិញ។
ប៉ុន្តែ ឥណ្ឌាមានមធ្យោបាយដ៏សំខាន់បំផុតមួយ ចាប់តាំងពីវ៉ាស៊ិនតោននិងញីវ ដេលី បានក្លាយទៅជាមិត្តភក្តិដ៏ល្អបំផុតនៃពិភពលោក។រដ្ឋធានីឥណ្ឌា ជារឿយៗគឺជាដំណាក់ការមួយដ៏ចាំបាច់ខានមិនបាននៃការទូតអាមេរិកាំងដែលរំលឹកពុំដែលខានទេអំពីធាតុពិតយុទ្ធសាស្ត្រនៃជំនួបសន្ទនាគ្នារវាងប្រទេសទាំងពីរនិងក្តីសង្ឃឹមរបស់ឥណ្ឌាទៅលើសហប្រតិបត្តិការទ្វេភាគី និយាយម្យ៉ាងទៀត ដើម្បីធ្វើឱ្យឥណ្ឌាកក់ក្តៅក្នុងចិត្តឡើងវិញ។
ទស្សនកិច្ចរបស់លោកស្រីរដ្ឋមន្ត្រីក្រសួងការបរទេសអាមេរិកាំងប្រព្រឹត្តទៅនៅខណៈដ៏ជាក់លាក់ដែលឥណ្ឌានិងប៉ាគីស្តង់រៀបចំយ៉ាងលម្អិតកិច្ចចរចាសន្តិភាពឡើងវិញនិងប៉ុន្មានថ្ងៃក្រោយពីមានអំពើភេរវកម្មថ្មីៗជាបន្តបន្ទាប់គ្នា នៅបុមបៃ ដោយពុំដឹងជាស្នាដៃរបស់នរណាទេ ប៉ុន្តែដែលនៅពេលផ្សេងវិញ ជាការគ្រប់គ្រាន់ហើយ ដើម្បីផ្អាករយៈពេលយូរ រាល់ដំណើរការជួបពិភាក្សាគ្នារវាងអ៊ីស្លាម៉ាបាដនិងញីវ ដេលី។
ដោយប្រត្យក្ស គេពុំដឹងជារហូតដល់ចំណុចណាទេ វ៉ាស៊ិនតោនអាចធ្វើអន្តរាគមន៍ ដើម្បីបញ្ចៀសការបែកឆ្វេងជាថ្មីម្តងទៀតនៃសំណុំរឿង ប៉ុន្តែ ទំនងខ្លាំងណាស់ដែលផលប្រយោជន៍អាមេរិកាំង ដើម្បីសន្តិសុខក្នុងភូមិភាគ ជះឥទ្ធិពលខ្លួនទាំងអម្បាលម៉ានទៅលើការលេងល្បែងbillardអាចនឹងផ្ទុះឡើងមួយលើកនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ