ឃាតកម្មទៅលើរូបលោក Rabbani គឺជាការវាយយ៉ាងដំណំទៅលើកិច្ចចរចាសន្តិភាព
នៅអាហ្វហ្កានិស្ថាន ការវាយប្រហារថ្មីត្រូវបានធ្វើនៅរដ្ឋធានី មួយសប្តាហ៍បន្ទាប់ពីអំពើភេរវកម្មទៅលើស្ថានទូតអាមេរិកាំង។អតីត ប្រធានាធិបតីដែលទទួលបន្ទុកខាងកិច្ចចរចាជាមួយពួកអ្នកបះបោរគឺលោក Burhanuddin Rabbani បានត្រូវគេសម្លាប់ នៅក្នុងផ្ទះខ្លួន នៅក្នុងអំពើភេរវកម្ម-អត្តឃាត នៅថ្ងៃអង្គារ២០កញ្ញាម្សិលមិញ។អង្គរក្សជាច្រើននាក់របស់គាត់ ក៏ព្រមទាំងទីប្រឹក្សាបីនាក់របស់គាត់ត្រូវរបួស។លោកប្រធានាធិបតី Karzaïដែលត្រូវចូលរួមក្នុងមហាសន្និបាត អ.ស.ប. បានសម្រេចចិត្តវិលត្រឡប់មកកាន់ប្រទេសជាតិវិញ ជាបន្ទាន់។ឃាតកម្មនេះប្រហែលអាចនឹងជះផលប៉ះពាល់អាក្រក់ទៅលើ កិច្ចចរចាសន្តិភាព។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៤
ឃាតកម្មទៅលើរូបអតីតប្រធានាធិបតី គឺជាសារនយោបាយមួយដ៏ខ្លាំង ដោយហេតុថា គាត់ បានដឹកនាំ ឧត្តមក្រុមប្រឹក្សាដើម្បីសន្តិភាព។ អង្គការនេះ ដែលត្រូវបានបង្កើតឡើងនៅឆ្នាំទៅដើម្បីចរចាជាមួយពួកអ្នកបះបោរ បានបំពេញកិច្ចការពុំសូវជឿនលឿនទេ រហូតមកទល់ពេលនេះ។ ជានិមិត្តរូប ឃាតកម្មទៅលើរូបលោក Rabbani អាច ត្រូវបកស្រាយថា ជាការប្រឆាំងយ៉ាងម៉ឺងម៉ាត់ទៅនឹងកិច្ច ចរចា យ៉ាងហោចណាស់ ពីខាងក្រុមជនដែលលាក់ខ្លួននៅពីក្រោយការវាយប្រហារ។ ប៉ុន្តែ ការនេះ ទំនងជាមានសភាពផ្ទុយពីទស្សនវិស័យ នៃកិច្ចចរចា ដែលបានចាប់ផ្តើមលេចចេញជារូបរាង។ មានការជួបទាក់ទងគ្នាជាអាទិ៍ រវាងពួកអ្នកតំណាងសរអា និងពួកអ្នកតំណាង ពួកតាលីបង់។
ផ្ទុយទៅវិញ សម្លាប់ លោក Rabbani ក៏ប្រហែលអាចជារបៀបមួយ តម្រូវបង្ខំ ឲ្យទទួលយកល័ក្ខខ័ណ្ឌនៃកិច្ចចរចា ជាយថាហេតុនិងលុបបំបាត់ តួអង្គមួយ ដែលគេមិនចង់ឃើញមុខមាត់ ដោយហេតុថា អតីតប្រធានាធិបតីត្រូវគេចាត់ទុកជាខ្មាំងសត្រូវ របស់ពួកតាលីបង់។
មរណភាពរបស់ លោក Rabbani ក៏អាច ជាហានិភ័យ ធ្វើឲ្យពិបាកចុះកិច្ចព្រមព្រៀងសន្តិភាព ដោយមូលហេតុជាតិពន្ធុ។
គាត់ មានជាតិពន្ធុ ជា tadjik ហើយមរណភាព របស់ គាត់អាចជាហានិភ័យ អុជអាលឲ្យកើតមានភាពតានតឹងរវាងជាតិពន្ធុដូចកាលជំនាន់ សង្គ្រាមស៊ីវិលអ៊ីចឹង។ ដោយហេតុថា ឥស្សជន tadjik ពីរនាក់ទៀត ដែលស្ថិតក្នុងគណបក្សតែមួយដូចលោក Rabbani អ៊ីចឹងដែរ ត្រូវបានគេសម្លាប់នៅឆ្នាំនេះ។ ដោយសរុប ជនជាតិ Tadjik ខ្លាចបារម្ភ តែផលប្រយោជន៍ របស់ខ្លួន ពុំត្រូវគេជួយការពារ ហើយពួកTadjik ប្រឆាំងនឹងកិច្ចចរចា ជាមួយ ពួក តាលីបង់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ