ចិនទិញយន្តហោះចម្បាំងសែនទំនើបដល់ទៅ៤៨គ្រឿងពីរុស្ស៊ី
ដំណឹងនេះទើបចេញផ្សាយដោយកាសែតក្រុងម៉ូស្គូ “Kommersant” យោងលើប្រភពក្នុង”ពហុឧស្សាហកម្មយោធារុស្ស៊ី” នឹងលើភាគីចិននៅក្នុង”គណៈកម្មការអន្តររដ្ឋាភិបាលរុស្ស៊ី-ចិន”។ ប៉ុន្តែមុននឹងចុះកិច្ចសន្យាទិញលក់នេះ រុស្ស៊ីសុំចិនឲ្យធានាតាមផ្លូវគតិយុត្តថា ឈប់ប្រើយន្តហោះយោធារុស្ស៊ីជាសំណាកដើមសម្រាប់ខ្លួនផលិតដោយចម្លងតាមដូចមុនៗទៀតឡើយ។ ភាគីចិននៅមិនទាន់ផ្តល់ចម្លើយទេ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣៩
យន្តហោះចម្បាំងដែលចិនគ្រោងទិញនេះ គឺយន្តហោះប្រដេញធុន Sukhoi-35។ កុងត្រាដែលគូភាគីត្រៀមចុះដូចគ្នាក្នុងពេលឆាប់ៗខាងមុខប្រមើលលក់ទៅឲ្យចិននូវយន្តហោះរុស្ស៊ីនេះចំនួនដល់ទៅ៤៨គ្រឿងដែលនីមួយៗតម្លៃ៨៥លានដុល្លារអាមេរិកគិតជា ទឹកប្រាក់សរុបគឺ៤.០០០លានដុល្លារ។
យន្តហោះប្រដេញរុស្ស៊ី ធុន Sukhoi-35 ប្រើបានច្រើនយ៉ាង ត្រូវបក្សសម្ព័ន្ធ OTAN ឲ្យឈ្មោះថា Flanker។ វាជាយន្តហោះស្រករទី៤ ចំណាត់ថ្នាក់បូក២ដង គឺ + + ។ ល្បឿនវាគឺ២.៥០០គ.ម. ក្នុង១ម៉ោង។ ហើយវង់សកម្មរបស់វាគឺហោះដល់ចម្ងាយ៣.៤០០គម។ គឺតាំងពីឆ្នាំ២០០៨ម៉្លេះ ដែលចិនបានផ្តោតការយកចិត្តទុកដាក់ចង់ទិញយន្តហោះនេះ ប៉ុន្តែលុះក្នុងឆ្នាំ ២០១០ ទើបមានលេចចេញមកពត៌មានក្រៅផ្លូវការស្តីអំពីចេតនានេះរបស់ចិន។ ហើយនៅទីបំផុត ក្នុងខែកុម្ភៈកន្លងទៅ ពត៌មាននេះក៏ត្រូវគូភាគី បញ្ជាក់ជាផ្លូវការមែន។
ប៉ុន្តែនៅលើផ្លូវចុះកិច្ចសន្យា គូភាគី មិនទាន់ចុះសម្រុងគ្នាជុំវិញបញ្ហាមួយជាក្តីកង្វល់របស់រុស្ស៊ី។ សាច់រឿងគឺថា ទោះបី៤ឆ្នាំមុន រុស្ស៊ីនិងចិនបានចុះ”កិច្ចព្រមព្រៀងក្របខ័ណ្ឌ” ស្តីអំពីការការពារកម្មសិទ្ធិបញ្ញាក្តី ក៏ឥឡូវរុស្ស៊ីទទូចឲ្យចិនចុះ”កិច្ចព្រមព្រៀងមួយដោយឡែកបន្ថែមទៀត” ដើម្បីជាការធានាពីខាងចិនមករុស្ស៊ី តាមផ្លូវគតិយុត្តតែម្តង ថាចាប់ពីអណើះតទៅ ចិនឈប់ផលិតយន្តហោះយោធាខ្លួន ដោយចម្លងតាមសំណាកដើមនៃយន្តហោះយោធារុស្ស៊ី។
ប្រភពក្នុងរដ្ឋាភិបាលរុស្ស៊ី រំលឹកជាឧទាហរណ៍ទៅកាសែត“Kommersant” ថា ៖ យន្តហោះចម្បាំងរបស់ចិន ធុនJ-10 តាមធាតុពិតដែលមានគឺជាបទចម្លងនៃយន្តហោះ យោធារុស្ស៊ី ធុន Sukhoi-27។
- ហើយអាធុន J-11 របស់ចិនជាបទចម្លងតាមអាធុន Sukhoi-30 របស់រុស្ស៊ី។
- ចំណែកអាធុន FC-1 របស់ចិនជាបទចម្លងតាមអាធុន Mig-29 របស់រុស្ស៊ី។
- អាធុន J-15 របស់ចិនជាបទចម្លងតាម អាធុន Sukhoi-33 របស់រុស្ស៊ី។
- ហើយ អាធុន J-16 ផលិតបានពេលថ្មីៗដោយចិន គឺជាបទចម្លងតាម អាធុន Sukhoi-30 MK2 របស់រុស្ស៊ី។
យន្តហោះចិនទោះបីមានលក្ខណៈបច្ចេកទេសអន់ជាងអាសំណាកដើមរបស់រុស្ស៊ីក្តីបែបយ៉ាង អាធុន FC-1 មួយគ្រឿងៗ គឺលក់តែថ្លៃ១០លានដុល្លារប៉ុណ្ណោះ ទល់នឹងថ្លៃដល់ទៅ ៣៥លាន ដុល្លារ នៃសំណាកដើមរបស់រុស្ស៊ី អាធុន Mig-29 ទាល់តែក្នុងឆ្នាំ២០០៩ វាបានប្រជែងឈ្នះ អា បស់រុស្ស៊ី លើទីផ្សារប្រទេសភូមា ហើយក្នុងឆ្នាំ២០១០ គឺនៅលើទីផ្សារប្រទេសអេស្ស៊ីប៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ