តុលាការបានទាមទារឲ្យញូដ៊ែលីបញ្ជាក់ភស្តុតាងពីប្រសិទ្ធិភាពនៃចរាចរណ៍យាន្តយន្តឆ្លាស់វេនគ្នា
ប្រឈមនឹងបញ្ហាបំពុលបរិយាកាសខ្លាំងនៅក្នុងប្រទេស តុលាការឥណ្ឌា នៅថ្ងៃពុធនេះ បានទាមទារឲ្យអាជ្ញាធរក្រុងញូដ៊ែរលីរកភស្តុតាងមកបញ្ជាក់ឲ្យច្បាស់លាស់ពីប្រសិទ្ធិភាពនៃការធ្វើចរាចរណ៍យាន្តយន្តឆ្លាស់វេនគ្នា។ ការធ្វើចរាចរណ៍ឆ្លាស់ឡានលេខគូបើកថ្ងៃគូ-ឡានលេខសេសបើកថ្ងៃសេស បានចាប់សាកល្បងតាំងពីថ្ងៃទី១មករាមកម្លេះ ដើម្បីជួយកាត់បន្ថយការបញ្ចេញផ្សែងបំពុលបរិយាកាសនៅក្រុងញូដែលី និងឲ្យភាពល្អប្រសើរឡើងវិញ។ក្រុងញូដ៊ែរលី ដែលជាប់ល្បីឈ្មោះ ថាជាទីក្រុងមួយប្រកបដោយបរិយាកាសពុលដ៏ខ្លាំងជាងគេនៅលើភពផែនដី។
ចុះផ្សាយនៅថ្ងៃ៖
ស្តាប់ - ០២:០៥
តុលាការជាន់ខ្ពស់ក្រុងញូដ៊ែរលី បានយល់ឃើញថា” បទពិសោធន៍ដាក់ចរាចរណ៍ឆ្លាស់ឡានលេខគូបើកថ្ងៃគូនិងឡានលេខសេសបើកថ្ងៃសែសនេះ បានបង្កជាបញ្ហាលំបាកច្រើនដល់សាធារណៈជនមួយភាគធំនៅក្រុង ញូដែលី ដោយហេតុតែប្រព័ន្ធដឹកជញ្ជូនរួមមានការខ្វះខាតច្រើន។
ទន្ទឹមនេះ នៅខណៈពេលដែលសាធាតពុលក្នុងបរិយាកាសនៅតែមានកម្រិតខ្ពស់លើស១០ដងពីការទាមទាររបស់សហគមន៍អន្តរជាតិ តុលាការរដ្ឋធានីដែល៊ី បានដាក់កំហិតឲ្យអាជ្ញាធរក្រុង ដាក់ជូននូវតុល្យាការមួយ ចាប់ពីពេលនេះ រហូតដល់ថ្ងៃសុក្រខាងមុខដើម្បី បញ្ជាក់ពីប្រសិទ្ធិភាពលើបទពិសោធន៍របស់អាជ្ញាធរក្នុងការធ្វើចរាចរណ៍ឆ្លាស់វេនគ្នានេះ។ ម្យ៉ាងទៀត អាជ្ញាធរ ក៏ត្រូវធ្វើការប្រមែប្រមូលថែមទៀតនូវទិន្នន័យទាំងអស់ដែលបញ្ជាក់ប្រាប់ពីកម្រិតសារធាតុពុលនៅក្នុងបរិស្ថាន។
តែទោះបីជាមានការអនុវត្តបទពិសោធន៍ធ្វើចរាចរឆ្លាស់វេនគ្នាចាប់តាំងពីថ្ងៃទី១មករាហើយត្រូវបន្តរហូតដល់ថ្ងៃទី១៥មករាក្តី ក៏គុណភាពខ្សល់អាកាសក្នុងទីក្រុងដែល៊ី នៅតែចុះដុនដាបជាលំដាប់នារាល់រដូវត្រជាក់ខ្លាំង ម្យ៉ាងដោយសារឧស្ម័នពុលត្រូវគំាងស្ទះក្នុងបរិយាកាស និងរូមទាំងបញ្ហាអគ្គីភ័យ ដែលកើនចំនួនច្រើនដែរនៅក្នុងទីក្រុង ។
ទោះបីជាយ៉ាងណាក្តី រដ្ឋាភិបាលក្រុងញូដែលី នៅតែខិតខំការពារលើបទពិសោធន៍របស់ខ្លួន ជានិច្ចដោយ វិនិច្ឆ័យថា៖ វាអាចជួយធ្វើឲ្យផ្លូវធំៗនៅក្នុងទីក្រុងមានភាពស្រឡះទូលាយពុំកកស្ទះចរាចរ និងក៏ជូយកាត់បន្ថយផ្សែងពុលដែលបង្ហុយចេញពីយាន្តយន្តដែរ។
ចំណែកលោករដ្ឋមន្ត្រីក្រសួងដឹកជញ្ជូនក្រុងដែល៊ី លោកបានថ្លែងបញ្ជាក់ប្រាប់ថា ៖រដ្ឋាភិបាលនឹងធ្វើការបង្កើនមធ្យោបាយដឹកជញ្ជូនតាមមេត្រូឲ្យបានញឹកញាប់ថែមទៀតបង្កើនចំនួនរថយន្តក្រុងនិងសុំឲ្យប្រជាជនជួលរថយន្តជិះរូមគ្នាជាដើម។
យុទ្ធនាការណ៍ខាងលើនេះ ត្រូវបានប្រជាជនទីក្រុងដែល៊ីទាំងមូលគាំទ្រទាំងស្រុង នេះបើយោងតាមសំដីរបស់លោករដ្ឋមន្ត្រីក្រសួងដឹកជញ្ជូនដដែល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ