មរណភាពបាតុករ ដែលទារប្រាក់ខែ១៦០ដុល្លារ ជារឿងសម្រាប់បំបាក់មុខគ្នារបស់អ្នកនយោបាយ
ចុះផ្សាយនៅថ្ងៃ៖
ស្តាប់ - ១១:២៣
មិនទាន់មានស្ថាប័នណាទទួលខុសត្រូវចំពោះមរណភាព និងរបួសរបស់អ្នកស្លាប់ ដោយសារការបាញ់ប្រហាររបស់កងកម្លាំងប្រដាប់អាវុធ ដែលបង្ក្រាបបាតុកម្ម នៅលើមហាវិថីវេងស្រេង នាថ្ងៃទី០៣ ខែមករា នៅឡើយទេ។ រដ្ឋាភិបាលគណបក្សប្រជាជន និងគណបក្សសង្គ្រោះជាតិ បានចោទគ្នាទៅវិញទៅមក ចំពោះព្រឹត្តិការណ៍បង្ហូរឈាមរបស់កម្មកររោងចក្រ ដែលទាមទារឱ្យរដ្ឋាភិបាល និងនិយោជក ដំឡើងប្រាក់ឈ្នួលអប្បបរមាសម្រាប់កម្មករ ឱ្យបាន១៦០ដុល្លារ ក្នុងមួយខែ។ ដូចគណបក្សប្រឆាំងដែរ អង្គការសិទ្ធិមនុស្ស ដែលផ្តល់សញ្ញាអាសន្នថា លិទ្ធិប្រជាធិបតេយ្យ និងការគោរពសិទ្ធិមនុស្សនៅកម្ពុជា «កំពុងដើរថយក្រោយ» ទទូចឱ្យរដ្ឋាភិបាលទទួលខុសត្រូវ ចំពោះការខូចខាតរបស់ជនរងគ្រោះ។ ប៉ុន្តែរដ្ឋាភិបាលឆ្លើយតបថា អ្នកទទួលខុសត្រូវចំពោះរឿងនេះគឺមេដឹកនាំបក្សសង្គ្រោះជាតិ និង«ជនអនាធិបតេយ្យ» ដែលអុជអាលអំពើហិង្សា។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ