លោកម៉ា ចន្ទបញ្ញា៖ ការតែងនិពន្ធបទចម្រៀងថ្មី មិនមែនជាការងាយស្រួល ប៉ុន្តែអាចធ្វើទៅបានដោយចិត្តស្រឡាញ់
ចុះផ្សាយនៅថ្ងៃ៖
ស្តាប់ - ០៩:៥៩
ភ្ញៀវប្រចាំថ្ងៃរបស់វិទ្យុបារាំងអន្ដរជាតិនៅថ្ងៃនេះ គឺលោក ម៉ា ចន្ទបញ្ញា តំណាងក្រុម SongKites ឬខ្លែងឯក។ ក្រុម SongKites នៅថ្ងៃអាទិត្យនេះ បានរៀបចំការប្រគុំតន្ដ្រីមួយ ដើម្បីសម្ពោធអាល់ប៊ុមចម្រៀងថ្មី។ ជាអាល់ប៊ុមដែលមានចម្រៀង១៣បទ សុទ្ធសឹងតែជាការតែងនិពន្ធថ្មី ទាំងទំនុកភ្លេង និងទំនុកច្រៀង។ ក្នុងកិច្ចសម្ភាសជាមួយវិទ្យុបារាំងអន្ដរជាតិ លោកម៉ា ចន្ទបញ្ញា បានរៀបរាប់ប្រាប់ថា អាល់ប៊ុមចម្រៀងនេះ គឺជាផ្លែផ្កានៃសិក្ខាសាលារយៈពេល៦ខែ ដោយមានការចូលរួមពីយុវអ្នកនិពន្ធចំនួន១២រូប។ ការតែងនិពន្ធបទចម្រៀងថ្មី ត្រូវបានលោកម៉ា ចន្ទបញ្ញា អះអាងថា មិនមែនជាការងាយស្រួលឡើយ ប៉ុន្តែនៅតែអាចធ្វើទៅបានដោយសារចិត្តស្រឡាញ់។ លោកបានលើកទឹកចិត្តដល់យុវជនផ្សេងទៀត ដែលមានចិត្តស្រឡាញ់វិស័យសិល្បៈចម្រៀង ឲ្យព្យាយាមធ្វើអ្វីដែលខ្លួនស្រឡាញ់ និងត្រូវជឿថា ក្ដីសុបិន សុទ្ធតែអាចសម្រេចបានដោយសារការព្យាយាម។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ