បក្សកាន់អំណាចបដិសេធមិនបោះឆ្នោតឡើងវិញ
គណបក្សកាន់អំណាចនៅថ្ងៃនេះ បានបញ្ជាក់ថាការបោះឆ្នោតសារឡើងវិញមិនអាចធ្វើបានទេ។ ការអំពាវនាវរបស់គណបក្សប្រឆាំងដែលស្នើឱ្យមានការបោះឆ្នោតជាតិសារឡើងវិញ ទន្ទឹមនឹងប្រទេសថៃបានប្រកាសរំលាយរដ្ឋសភា និងកំពុងរៀបចំការបោះឆ្នោតសភាឡើងវិញ។ សម្រាប់គណបក្សប្រជាជនកម្ពុជាស្ថានការណ៍នៅកម្ពុជា មិនទាន់ធ្ងន់ធ្ងរដូចប្រទេសថៃនោះទេ។ ប៉ុន្តែបក្សប្រឆាំង អះអាងថា ការបោះឆ្នោតគឺជាជម្រើសសមស្របដើម្បីទំលុះបញ្ហានយោបាយនាពេលបច្ចុប្បន្ន។
ចុះផ្សាយនៅថ្ងៃ៖
គណបក្សកំពុងកាន់អំណាច បានច្រានចោលសំណើរបក្សប្រឆាំងស្នើឱ្យមានការបោះឆ្នោតសារឡើងវិញខណៈជម្លោះនយោបាយនៅកម្ពុជាមិនទាន់បិទបញ្ចប់។
ថ្លែងទៅកាន់អ្នកសារព័ត៌មាននៅថ្ងៃពុធ ក្រោយការចូលរួមវេទិការរបស់រដ្ឋាភិបាល ស្តីពីបញ្ហាអត្តសញ្ញាណអេឡិចត្រូនិចនៅសណ្ឋាគារសូហ្វីតែលលោក ស ខេង មន្ត្រីជាន់ខ្ពស់ការរិយាល័យនយោបាយគណបក្សប្រជាជនកម្ពុជា បានអះអាងថា កម្ពុជាមិនអាចបោះឆ្នោតសារឡើងវិញដូចប្រទេសថៃក្បែខាងដើម្បីបញ្ចប់វិបត្តនយោបាយនោះឡើយ។ ព្រោះថាវិបត្តនយោបាយនៅកម្ពុជាដែលកំពុងតែបន្តនេះ មិនមានស្ថានភាពធ្ងន់ធ្ងរដូចប្រទេសថៃ។
មិនធ្ងន់ធ្ងរព្រោះថា កម្ពុជាមានយន្តការច្បាប់ដែលបានដោះស្រាយភាពមិនប្រក្រតីនៃការបោះឆ្នោតអាណត្តិទី៥រួចរាល់ហើយ។ ការគូសបញ្ជាក់របស់មន្ត្រីគណបក្សប្រជាជនកម្ពុជាយ៉ាងដូច្នេះ ខណៈដែលគណបក្សសង្គ្រោះជាតិរបស់លោក សម រង្ស៊ី និងលោក កឹម សុខា បានអំពាវនាវឱ្យមានការបោះឆ្នោតសារឡើងវិញ ដើម្បីទម្លោះជម្លោះនយោបាយរវាងបក្សជាប់ឆ្នោតធំៗទាំងពីរ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានឱ្យដឹងថា ដោយសារតែភាពមិនប្រក្រតីនៃការបោះឆ្នោតជាច្រើនត្រូវបានរកឃើញ ក្នុងនោះរួមមាន ការលួចបន្លុំសន្លឹកឆ្នោត និងឯកសារក្លែងក្លាយបញ្ជាក់អត្តសញ្ញាណ រួមទាំងការបាត់ឈ្មោះក្នុងបញ្ជីបោះឆ្នោតជាដើម ដែលនេះជាមូលហេតុចមឱ្យមានការបោះឆ្នោតឡើងវិញ។
គួបញ្ជាក់ថា ដោយសារតែវិបត្តនយោបាយនៅកម្ពុជាក្រោយការបោះឆ្នោត គណបក្សប្រជាជនកម្ពុជា បានបង្កើតរដ្ឋាភិបាល និងរដ្ឋសភាឯកបក្សទៅតាមច្បាប់ដែលមានចែង ក្រោមសម្លេង៥០+១ រីឯគណបក្សសង្គ្រោះជាតិនៅតែបន្តពហិការមិនចូលរួមប្រជុំសភា និងអំពាវនាវឱ្យមានការដោះស្រាយភាពមិនប្រក្រតីនៃការបោះឆ្នោតជាមុនសិន។
យ៉ាងណាក៏ដោយ ទាំងគណបក្សប្រឆាំង និងបក្សកាន់អំណាចសុទ្ធតែបញ្ជាក់រៀងៗខ្លួនថា បិទទ្វានៃការចរចាររវាងបក្សទាំងពីរនៅតែបើកចំហរជាដើម្បីបិទបញ្ចប់វិបត្តនយោបាយកម្ពុជាជានិច្ច។ ប៉ុន្តែគណបក្សទាំងពីរមិនទាន់មានការជួបសារជាថ្មីណាមួយឡើយ ក្រោយជួបថ្នាក់បច្ចេកទេសរវាងបក្សទាំងពីរកាលពីថ្ងៃ៥ វិច្ឆិកា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ